Ду корманди Вазорати корҳои дохилӣ барои гирифтани пора дастгир шуданд

0
1 925 просмотров

Дар шаҳри Душанбе нисбат ба Исматшозода Зебуниссо Исматшо ва Ҳалимзода Қумригул Раҷаб бо моддаи 247 қисми 2, бандҳои «б», «в» ва «г»-и Кодекси ҷиноятии Ҷумҳурии Тоҷикистон парвандаи ҷиноятӣ оғоз гардида, он баъди анҷоми тафтиши пешакӣ барои моҳиятан баррасӣ намудан ба суд ирсол карда шудааст. Дар ин бора аз маркази матбуоти Агентии назорати давлатии молиявӣ ва мубориза бо коррупсия ба АМИТ «Ховар» иттилоъ доданд.

Зебуниссо Исматшозода дар вазифаи сардори шуъбаи таҳлил ва назорати Раёсати таҳқиқи Вазорати корҳои дохилии Ҷумҳурии Тоҷикистон кор карда истода, аз рӯи маслиҳати пешакӣ бо таҳқиқотчии ҳамин Раёсат Ҳалимзода Қумригул Раҷаб 8 сентябри соли 2020 дар бинои Вазорати корҳои дохилии Ҷумҳурии Тоҷикистон бо шаҳрванд «А» вохӯрда, аз охирин барои аз махзани маълумотии Сармаркази иттилооти таҳлилии вазорати мазкур тоза кардани маълумот дар бораи доғи судӣ доштанаш 1200 доллари ИМА талаб намудаанд.

10 сентябри соли 2020 дар натиҷаи гузаронидани чорабиниҳои фаврӣ-тафтишотӣ Исматшозода З. ва Ҳалимзода Қ. баъди аз шаҳрванд «А» гирифтани маблағи 1200 доллари ИМА дастгир гардида, маблағи мазкур аз онҳо ҳамчун далели шайъӣ дарёфт ва гирифта шуд.

Манбаъ: АМИТ «Ховар»

Нет комментариев

Также рекомендуем

Какой инструмент самый громкий?

Мир музыки позволяет наслаждаться всевозможными произведениями, которые исполняются при помощи различных музыкальных инструментов. Одни из них звучат нежно и тихо, а некоторые инструменты выдают настолько ...

Сообщить об опечатке

Текст, который будет отправлен нашим редакторам: