Жасмина Каримова, як зодаи Тоҷикистони муқими Аврупо ҳамроҳ бо L’One (Леван Горозия), рэпсарои маъруфи Русия ду таронаи муштарак иҷро кардааст. Таронаҳои “Дорога” ва “Гравитатсия” ҳанӯз соли 2016 дар Ҳолланд сабт шудаанд, аммо расми муаррифии онҳо ба наздикӣ сурат гирифт. Жасмина ва L’One нахуст дар барномаи “Вечерний Ургант” таронаи “Дорога”-ро иҷро карданд.
20 май бошад, Жасмина дар консерти L’One дар Маскав ба ҳайси меҳмон даъват шуд ва ҳамроҳи ӯ дуэт хонд. Жасмина Каримова дар Тоҷикистон ба дунё омада, то 10-солагӣ дар Австралия зиндагӣ мекард. Хонаводаи онҳо чанд муддат дар Сан-Франсиско ба сар бурд ва баъдан ба Ҳолланд кӯч баст. Жасмина матни таронаҳояшро худаш менависад ва аксаран онҳо бо забони англисианд. Ӯ дар театр ҳам нақш меофарад. Қарор аст соли равон маҷмӯи таронаҳояшро ба бозор ворид кунад.
Манбаъ: http://www.ozodagon.tj/
Нет комментариев