Духтараки 12-сола аз ҷиҳати дониш Эйнштейнро гузашт

0
1 644 просмотров

Духтараки лаёқатманд аз Британияи Кабир дар шаҳри Манчестер аз санҷиши IQ гузашт. Натиҷаи санҷиш ҳамаро дар ҳайрат гузошт! Маълум шуд, ки Paҷгаури Павари 12-сола аз натиҷаҳои физикҳои машҳур Алберт Эйнштейн ва Стивен Хокинг болотар рафт!
Вундеркинди хурдсол дар воҳиди маъмурии Чешир зиндагӣ мекунад. Натиҷа ё худ нишондиҳандаи донишу зеҳн (интеллект)-и вай мувофиқи санҷиш 162 баллро ташкил дод. Ин баландтарин ва беҳтарин натиҷаи эҳтимолӣ барои калонсолон аст!

Қобили зикр аст, ки IQ-санҷиши Эйнштейн ва Стивен Хокинг дар нишондиҳандаи 160 хол баҳогузорӣ карда шудаанд. Натиҷа ва ё нишондиҳандаҳои одамоне, ки аз чунин санҷиш гузашта, аз 140 хол зиёдтар мегиранд, шахсиятҳои бузург ва ё доҳӣ номида мешаванд.

Яъне, ҳисоби миёнаи IQ-санҷиш (тест)-и калонсолон — 100 хол мебошад. Агар зимни санҷиш зиёда аз 140 хол гирифтед, пас Шумо доҳӣ ҳисобида мешавед.
Бино ба иттилои рӯзномаи маҳаллӣ, ба Раҷгаури Павар пешниҳод намуданд, ки ба Ҷамъияти Менсаи Британия аъзо шавад. Дар ин ҷамъият, одамони бо IQ, яъне зеҳну дониши баланд ҷамъ шудаанд. Мактабхони бритониёвӣ розигии худро додааст ё не, ҳанӯз номаълум аст.

Маълумот аз сарчашмаҳои кушод дастрас гардид.

Нет комментариев

Также рекомендуем

Официальный курс валюты на сегодня 11.04.2018

Национальный банк Таджикистана (НБТ) 11 апреля с целью бухгалтерского учета и оплаты таможенной пошлины определил официальный курс иностранной валюты следующим образом: 1 доллар США = ...