Душанбе:ҷамъбасти озмуни ҷумҳуриявии сайёҳӣ «ВАТАНРО БИШНОС»

0
347 просмотров

Дар озмуни ҷумҳуриявии «Ватанро бишнос» шоҳҷоиза насиби Рустам Сатторзода гардид. Дар номинатсияи «Акси беҳтарин» ҷойи якумро Комрон Комилзода, дар номинатсияи «Навори беҳтарин» ҷойи якумро Ситам Муҳиддинов, дар номинатсияи «Беҳтарин гузориши сайёҳӣ» ҷойи якумро Наҷиба Раҳимова, дар номинатсияи «Беҳтарин филми мустанади сайёҳӣ» ҷойи якумро Фаррухи Убайдулло ва  дар номинатсияи «Бозёфти муаллиф» ҷойи якумро Шаҳром Давлатзода сазовор шуданд, хабар медиҳад АМИТ «Ховар» бо истинод ба Кумитаи рушди сайёҳӣ.

Имрӯз дар меҳмонхонаи «Ҳаятт реҷенсӣ»-и шаҳри Душанбе мавсими дуюми озмуни ҷумҳуриявии сайёҳии «Ватанро бишнос», ки бо ташаббуси Кумитаи рушди сайёҳӣ дар ҳамкорӣ бо шабакаи телевизиони Тоҷикистон бахшида ба Солҳои рушди деҳот, сайёҳӣ ва ҳунарҳои мардумӣ гузаронида шуд, ҷамъбаст гардид.

Дар ин маросим намояндаи Дастгоҳи иҷроияи Президенти Ҷумҳурии Тоҷикистон, роҳбарияти кумитаҳои рушди сайёҳӣ, кор бо занон ва оила, забон ва истилоҳот, Вазорати фарҳанг, кормандони вазорату идораҳои ҷумҳурӣ, намояндагони ширкатҳои сайёҳӣ, Маркази миллии гуногунии биологӣ, Иттифоқи рассомон, ҳунармандон, устодону донишҷӯёни донишгоҳу донишкадаҳои риштаи сайёҳӣ иштирок намуданд.

Дар оғози чорабинӣ иштирокчиён аз намоиши имкониятҳои сайёҳии кишвар дидан намуданд.

Раиси Кумитаи рушди сайёҳӣ Нуъмон Абдуғаффорзода дар расми ифтитоҳи чорабинӣ иброз дошт, ки Кумита бо мақсади иҷрои дастуру супоришҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баҳри бештару беҳтар тарғиб намудани имкониятҳои сайёҳии мамлакат дар сатҳи ҷаҳонӣ бахшида ба “Солҳои рушди деҳот, сайёҳӣ ва ҳунарҳои мардумӣ” озмунҳои “Беҳтарин армуғони сайёҳӣ”, “Беҳтарин мақолаи сайёҳӣ”, “Беҳтарин нақшаи тиҷоратӣ дар соҳаи сайёҳӣ” ва озмунҳои телевизонии “Сарзамини беназир”, “Ватанро бишнос” ва “Пешниҳоди ман”-ро аз рӯи номинатсияҳои зерин:

“Беҳтарин меҳмонхона”;

“Беҳтарин минтақаи сайёҳӣ”;

“Беҳтарин ширкати сайёҳӣ”;

“Беҳтарин осоишгоҳ ва истироҳатгоҳ”;

“Беҳтарин мағозаи фуруши армуғон”;

“Беҳтарин роҳбалад”;

“Акси беҳтарин”;

“Навори беҳтарин”;

“Бозёфти муаллиф”;

“Беҳтарин гузориши сайёҳӣ”;

“Беҳтарин филми мустанади сайёҳӣ”;

“Хатсайри нави сайёҳӣ”;

“Сомонаи ҷолиби сайёҳӣ”;

“Ҷолибтарин ролики сайёҳӣ” эълон намуда, роликҳои таблиғотии онҳо тавассути шабакаҳои телевизиони “Тоҷикистон” ва “Сафина” давоми соли ҷорӣ пахш гардиданд.

Соли сипаришуда озмуни ҷумҳуривии “Ватанро бишнос” аз рӯи се номинатсияи баргузор гардида буд, имсол ду номинатсияи нав — “Беҳтарин гузориши сайёҳӣ ва “Беҳтарин филми мустанади сайёҳӣ” илова гардиданд.

Ҳамин тариқ тибқи натиҷаҳои озмуни ҷумҳуриявии сайёҳии “Ватанро бишнос” аз рӯи номинатсияи “Акси беҳтарин” ҷойи дуюмро Манучеҳр Умаров ва ҷойи сеюмро Мунис Самиев сазовор шуданд.

Аз рӯи номинатсияи “Навори беҳтарин” ҷойи дуюмро Далер Шарифов ва ҷойи сеюмро Умар Сафаров ишғол намуданд.

Дар номинатсияи “Беҳтарин гузориши сайёҳӣ” ҷойи дуюмро Ҳофиз Абасаев ва ҷойи сеюмро Рустамбек Сатторов сазовор гаштанд.

Ғолибони озмун дар номинатсияи “Беҳтарин филми мустанади сайёҳӣ” ҷойи дуюм ба Эҳсони Ризо ва ҷойи сеюм ба Усмон Билолӣ сазовор дониста шуданд.

Аз рӯи номинатсияи “Бозёфти муаллиф” ҷойи дуюмро Амриддин Наҷмиддинов ва ҷойи сеюмро Саъдии Сироҷ ишғол карданд.

Маврид ба зикр аст, ки дар ин давра як қатор агентиҳои иттилоотии байналмилалӣ ва шабакаҳои ҷаҳонии телевизионӣ, аз ҷумла Шабакаи якуми телевизиони Россия, Шабакаи НТВ, шабакаи телевизиони Қазоқистон, агентии байналмилалии “Флай брозер”-и Амрико, Нашриёти Брадт, Рузномаи “Зе телеграф”, рузномаи “Файненшл Таймс”, маҷаллаи  “Философия отдыха”-и Федератсияи Россия, шабакаҳои ҷаҳонии “Нейшнл ҷеографик”, “Лонелу Планет”, агентиҳои иттилооти “Кабар”-и Қирғизистон ва “УзА” Узбекистон, ТАСС Федератсияи Россия ва дигар воситаҳои ахбори оммаи байналмилалӣ ба муаррифии захираҳои сайёҳии мамлакат ҷалб гардида, маводҳои муаррификунандаи имкониятҳои сайёҳӣ таҳия ва дар ин шабакаҳо пахш карда шуданд.

Аз ҷониби мутахассисони агентии байналмилалии “Флай бразер” ва коршиноси байналмилалӣ аз Федератсияи Россия барои журналистони соҳаи сайёҳӣ мастер-классҳо гузаронида шуданд.

Таҳлилҳо нишон медиҳанд, ки баргузории чунин чорабиниҳо баҳри баланд бардоштани сифати хизматрасониҳо дар иншооту қабулу хизматрасонӣ таъсири мусбӣ расонида, ба муаррифии имкониятҳои сайёҳии кишвар ва ҷалби бештари сайёҳон замина гузошта мешавад.

Ғолибон бо диплому туҳфаҳои хотиравӣ, аз ҷумла ноутбуку телевизор, ки аз ҷониби Кумитаи рушди сайёҳии назди Ҳукумати Ҷумҳурии Тоҷикистон таъсис дода шуд, сарфароз гардонида шуданд.

Ҳамчунин, баҳри болидахотирии иштирокчиён барномаи фарҳангӣ — консертӣ ташкил гардид, ки дар он суруду таронаҳои васфи Ватани биҳиштосою сайёҳиямон садо доданд.

Манбаъ: АМИТ «Ховар»

Нет комментариев

Также рекомендуем

Телеграмма соболезнования Президента Таджикистан Президенту Индии

Основатель мира и национального единства — Лидер нации, Президент Республики Таджикистан уважаемый Эмомали Рахмон направил телеграмму соболезнования Президенту Республики Индия Раму Натх Ковинду, в которой ...
%d такие блоггеры, как:

Сообщить об опечатке

Текст, который будет отправлен нашим редакторам: