Душанбе ва Хуҷандро автобусҳо пайваст мекунанд

0
1 404 просмотров

Миёни Душанбе ва Хуҷанд автобусҳо равуо мекунанд. Комиссияи махсуси байни мақомоти марбута имкони роҳандозии мусофиркашонӣ бо автобусҳо байни минтақаи ҷануб ва шимоли Тоҷикистонро мавриди омӯзиш қарор додааст. «Барои омӯзиши ин масъала комиссияи махсуси иборат аз намояндагон Вазорати нақлиёт, Бозрасии давлатии автомобилӣ ва дигар ташкилоту муассисаҳо таъсис дода шуд», — гуфт зимни нишасти хабарӣ роҳбари Муассисаи давлатии «Нақлиёти автомобилӣ ва хизматрасонии логистикӣ»-и Ҷумҳурии Тоҷикистон Қурбоналӣ Хизиров. Ӯ қайд кард, ки аъзои комиссияи зикршуда ҷиҳати санҷиши имконоти ифтитоҳи хатсайрҳо ба ин самт бо автобуси ширкати Asian Express Terminal аз Душанбе то Хуҷанд ва аз он ҷо боз ба пойтахт баргаштаанд. «Дар натиҷаи санҷиш маълум шуд, ки баъзе мушкилот ҷой доранд ва барои мусофиркашонии бехатар тариқи автобусҳои нав онҳоро бартараф кардан лозим аст», — иброз дошт Хизиров, вале мушкилотро саҳеҳан номбар накарда, танҳо қайд кард, ки ин ҷо «масъалаи таъмини бехатарӣ» дар назар аст. Зимнан зикр гардид, ки натиҷаи санҷишҳо санадгузорӣ шуда, ба сохторҳои дахлдор ҷиҳати бартараф намудани мушкилоти ҷойдошта пешниҳод шудааст. «Хатсайрҳои мунтазам аз Душанбе ба Хуҷанд баъди ҳаллу фасли ин мушкилот роҳандозӣ шуда, бовар дорам, ки хоҳишмадони сафар аз пойтахт ба шаҳри Хуҷанд бо автобусҳои муосир кофӣ хоҳад буд», — илова кард номбурда.

Манбаъ: сомонаи расмии МИҲД-и шаҳри Хуҷанд

Нет комментариев

Также рекомендуем