Эҳтимоли фаромадани тарма ва сангреза дар назар аст

0
975 просмотров

Ба иттилои Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон, то 17 феврали соли равон дар ноҳияҳои алоҳидаи кӯҳӣ (дар баландиҳои зиёда аз 2000 метр) эхтимоли фаромадани тарма ва сангреза дар назар буда, дар роҳҳои автомобилӣ яхбандӣ пешбинӣ мешавад. Тавре сухангӯи Кумита Умеда Юсуфӣ хабар дод, дар дарёҳои аз қаторкӯҳи Ҳисор ҷоришаванда, инчунин дарёҳои Ёхсу ва Қизилсу баландшавии сатҳи об дар назар аст. «Дар ин робита Кумитаи ҳолатҳои фавқулода ва мудофиаи гражданӣ ба шаҳрвандон муроҷиат карда, хоҳиш мекунад, ки аз сафар намудан бо роҳҳои Душанбе-Хуҷанд, Душанбе-Лахш, Душанбе-Хоруғ-Мурғоб муваққатан худдорӣ намоянд». Ба гуфтаи Умеда Юсуфӣ, наҷотдиҳандагони Кумита 15 феврал дар километри 69-уми шаҳри Душанбе дар натиҷаи фаромадани тарма ду мошин зери тарма мондаанд, ки наҷотдиҳандагони Кумита 7 нафарро аз марг наҷот доданд. Дар ҳамин ҳол сардори Маркази обуҳавосанҷии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон Ҷамила Байдуллоева зикр намуд, ки шурӯъ аз бегоҳии 14 феврал дар ҷумҳурӣ ҳавои намнок аз минтақаҳои ҷанубу ғарб ба ҷумҳурии мо дохил шуд ва боиси ноустувор гардидани вазъи обу ҳаво дар қисми зиёди ноҳияҳои ҷумҳурӣ гардид. «То имрӯз баландии барф дар як қатор ноҳияҳои ВМКБ то ба 79 см расида, дар як қатор ноҳияҳои вилояти Суғд баландии барф дар баландкӯҳҳо то 43-45 см  расид. Дар ағбаи Анзоб баландии барф ба 86 см баробар шуд.

Ба иттилои ӯ, чунин вазъи ҳаво то 16 феврал давом карда, аллакай рӯзи 16 дар қисми зиёди ҷумҳурӣ ҳаво бебориш хоҳад гашт. Ва эҳтимолияти шиддат гирифтани боришот 20 феврал пешгӯӣ карда мешавад, вале рӯзи 21 феврал боришот қатъ мегарданд. «Дар рӯзҳои наздик ҳарорати ҳаво дар вилояти Хатлон шабона аз 1 дараҷа хунук то 4 дараҷа гарм, вале рӯзона 9-14 дараҷа гарм хоҳад шуд. Дар доманакӯҳҳо аз 4 дараҷа хунук  то 1 дараҷа гарм ва рӯзона 4-9 дараҷа гарм мешавад. Инчунин дар вилояти Суғд гарчанде ҳаво  бебориш аст, ҳарорат шабона 1-6 дараҷа сард ва рӯзона 8 дараҷа гарм мешавад. Дар ноҳияҳои тобеи марказ шабона боридани боришот пешгӯӣ карда мешавад. Дар ВМКБ қатъ гардидани бориши борон дар назар аст. Дар  шаҳри Душанбе ҳаво тағйирёбанда шуда, асосан бебориш хоҳад буд.

 

Манбаъ: сомонаи расмии АМИТ «Ховар»

Нет комментариев

Также рекомендуем

Франция поможет в деле улучшения материальной технической базы КЧС Таджикистана

Франция готова помочь Комитету по чрезвычайным ситуациям и гражданской обороне в подготовке кадров и улучшению материально-технической базы. 12 января в Комитете по чрезвычайным ситуациям и ...