Эҳтиёт: ба смартфон «дисплейи сироятёфта» насб карданашон мумкин

0
857 просмотров

Гурӯҳи тадқиқотчиён аз Донишгоҳи ба номи Бен-Гурион боз як сабаби дар марказҳои хизматрасонии ғайрирасмӣ таъмир нашудани смартфонро ошкор намуданд: бадхоҳон ба смартфон дисплейеро насб карда метавонанд, ки тавассути он ба тамоми маълумоти асосии телефон дастрасӣ пайдо кардан мумкин аст.

Қисми зиёди камбудиҳои компютерҳо ва дастгоҳҳои мобилиро дар қисмати барномавӣ пайдо мекунанд. Ин вирусҳо, троянҳо ва барномаҳои зараррасон мебошанд. Масалан, дар смартфони Nexus 6P ва планшети LG G Pad 7.0 тадқиқотчиён нишон доданд, ки ин дастгоҳҳоро бо ёрии дисплей шикаста, ба дохилаш ворид шудан мумкин будааст.

Нақшаи кор

Онҳо асоси модули муқаррарии дисплейиро бо панел ва қабати сенсорӣ гирифта, ба он чипи махсуси интернетро пайваст намуданд. Он бонгҳои (сигналы) ба дисплейи пахшкуниро қапида, барои ғоибона аз дурӣ идора кардани смартфон имконият медиҳад. Барои додани ин гуна маълумоти асосӣ ба компютери бегона аз пойгаҳи Arduino истифода мебаранд.

Зоҳиран ин гуна сохт на он қадар пинҳон менамояд. Вале тадқиқотчиён бовар мекунонанд, ки агар кӯшиш карда, чипи нисбатан ихчамро дарёбед, дар он вақт истифодабаранда ҳеҷ чизро фаҳмида наметавонад. Бинобар он ин бадхоҳон гуна дисплейҳои «сироятёфта»-ро дар интернет-мағозаҳо фурӯхта ё дар марказҳои хизматрасонии ғайрирасмӣ насб карда метавонанд. Аз ин рӯ эҳтиёт бошед.

Дар ҷараёни тадқиқот инчунин қайд карда шуд, ки камбудии амиқ натанҳо бо Android-смартфонҳо, балки iPhone ва iPad-ро низ шикаста, ба дохилаш ворид шуданашон мумкин аст.

Чиро дуздидан мумкин аст?

Ин нақша ба васлкунии кейлогер барномаҳо ё дастгоҳҳое монанд мебошад, ки ҳар як пахшкунии тугмаҳо ё ҳаракати мушро сабт мекунад. Яъне бадхоҳон метавонанд ба ҳамаи маълумоти гузошташаванда дастрасӣ пайдо кунанд.

Тадқиқотчиён нишон доданд, ки тавассути дисплейи «шикасташуда» паролҳоро дуздидан, сурати истифодабарро тартиб дода, онро ба бадхоҳон фиристодан, ба дастгоҳ замимаҳои зараррасон ва ғайраҳоро насб кардан мумкин будааст.

Онҳо намунаи амали шикастанро дар видео нишон доданд:

Баъзан маълумоти асосии истифодабарандагонро бидуни шикастани системаи амалиётӣ ё қисми олати дастгоҳ гирифтан имконпазир будааст. Барои ин танҳо нафареро фиреб додан кофист, ки ҳама чизро худаш бароятон гуфта диҳад. Бадхоҳони нав ана ҳамин хел кор мекунанд. Онҳо тавассути мессенджер худро чун кормандони «Сбербанк» муаррифӣ карда, дар бораи корти бонкиатон маълумоти асосиро мегиранд.

Нет комментариев

Также рекомендуем

Тахтачаи резакунии пластикӣ

Имрӯз оид ба интихоб ва истифодабарии  тахтачаи резакунии пластикӣ бароятон маълумот медиҳем.  Биёед, дӯстон, аз таърихи пайдоиши тахтачаи резакунӣ маълумот гирем. Тахтачаҳои резакуниро ҳанӯз дар ...