Эҳтиёт: шабакаи бузурги иҷтимоӣ ба ҳамалаи  фиребгарӣ дучор шуд.

0
327 просмотров

Ҳамлаи бузурги фиребгари навро мутахассисони «Лабораторияи Касперский» ба қайд гирифтанд. Он барои истифодабарандагон, ки тавассути Google Chrome ва браузерҳов дар асоси Chromium буда ба шабака медароянд, хатарнок мебошад.

Ин чӣ хел кор мекунад?

Бадхоҳон бо ду роҳ ба компютери истифодабаранда ҳуҷум мекунанд. Роҳи яккум, онҳо дар зери ниқоби огоҳинома дар бораи он, ки истиодабаранда дар муҳокимаи дўстон ба қайд гирифта шудааст, паёмак равон мекунанд. Агар истифодабаранда он паёмакро пахш намояд, ба компютер таъминоти барномаи троянӣ ворид мегардад. Он барномаи зараррасонро дар Google Chrome ё браузерҳо паҳн мекунад.

Қаллобон ба аксҳои шахсӣ, ахборотҳои асосии шахсӣ ва ғайраҳо  дастрасӣ пайдо мекунанд.

Роҳи дуюм, аз даромадани истифодабаранада ба Facebook бо браузери аллакай сироятёфта оғоз меёбад. Баъди азқайдгузарӣ дар шабакаи иҷтимоӣ бадхоҳон ба тамоми маълумотҳои шахсии истифодабаранда дастрасӣ пайдо мекунанд. Онҳо роҳандозии махфиятро тағйир дода, бо фиристодани паёмак ба дўстони истифодабарандагон, бо гузоштани лайкҳои қалбакӣ, фиристодани спамҳо, барномаи зараррасонро паҳн мекунанд.

Кӣ зери ин хатар қарор дошта метавонад?

Нақшаи киберҷинояткорон дар навбати аввал ба истифодабарандагони компютерҳои шахсии зери идораи Windows қарордошта нигаронида шудааст. Дорандагони Windows-смартфонҳо ва планшетҳои ба  Chrome насбкардашуда низ метавонанд зери таҳдиди бадхоҳон қарор гиранд. Истифодабарандагони Android ва iOS бошанд, метавонад аз ин ҳол парешон нашванд, зеро аз таъминоти барномаи зараррасон китобхонаҳо истифода мебаранд, ки ОС бо онҳо ягон ҳамоҳангӣ надорад.

Дар бораи ин нақшаи нави дастраскунии ахборотҳои асосӣ тавассути Facebook ба дўстони худ қисса кунед!

Нет комментариев

Также рекомендуем