Эҳтиёт: шабона истифодабарии смартфон ба чашмон зарари ҷиддӣ мерасонад

0
271 просмотров

Табибон бадшавии ҳолати нури чашмҳоро, ки «нобиноии смартфонӣ» ном гирифт, шарҳ доданд. Дар натиҷаи шабона истифода бурдани смартфон биноиши нури чашмон суст ё худ паст мешавад, огоҳ менамояд Live Science.

Аломатҳои якхела

Оиди ин масъала дар Бритонёи Кабир ду нафар ба мутахассисон муроҷиат намуданд. Бемордухтари 22 сола шикоят кардааст, ки чашми росташ аз чашми чапаш чизҳоро нисбатан хира ва бад мебинад. Пастшавии биноиш дар як сол якчанд маротиба мушоҳида шудааст. Ҳангоми хуб дида тавонистани чизҳо бо чашми рост, чашми чап танҳо шакли ашёҳоро дида метавонисту халос ва пас аз як рўз биноиши муқаррарии он боз барқарор мешудааст.

Беморзани 40-сола аломатҳои ба ҳамин монандро қисса кардааст. Ў тасдиқ кардааст, ки ҳангоми саҳарӣ, дарҳол пас аз бедор шудан аз хоб, як чашмаш ашёҳоеро, ки ўро иҳота кардаанд, намебинад. Вайроншавии кори биноии чашм 15 дақиқа давом мекардааст ва ин ҳолат дар давоми 6 моҳ якчанд маротиба руй медодааст.

Ташхисгузаронӣ

Мутахассисон муайян намуданд, ки истифодаи смартфон шабона бисёр вақт сабаби пайдо шудани тарангшавии рагҳои хунгард, вайроншавии кори системаи асаб, пайдоиши дигаргунӣ дар майнаи сар мегардидааст. Дар натиҷа табибон ба хулосае омаданд, ки сабабгори аз даст додани биноии нури чашмон ин истифодаи смартфонҳо будааст, ки ҳар дуи беморзанони муроҷиаткарда пеш аз хоб дар дохили ҷойгаҳи худ аз он истифода мебурдаанд.

Яъне дар ин маврид як чашм равшании баланддоштаи экрани смартфонро бинад, чашми дигар болиштро медидааст ва ҳамин тавр вайроншавии кори узви босира ба вуҷуд меомадааст.

Ба фикри табибон ҳар дуи ин занҳо ба экрани смартфон танҳо бо як чашм нигоҳ мекардаанд ва дар ин вақт кори чашми дигар қатъ мешудаст, ки ба вайроншавии мувозинати кори чашмон оварда мерасонидааст. Хуллас, агар вазнини кор барои  чашмон якхела бошад, ин гуна мушкилотҳо дар узви босира ба вуҷуд намеомадааст.

Дар ин бора ба дўстони худ нақл кунед. Шояд ин навгонӣ барои ҳалли чунин мушкилот ва дурӣ будан аз гузаронидани ташхисҳои гаронбаҳо ба онҳо мадад расонад ва муҳимаш биноии нури чашмонро эмин нигаҳ дорад.

https://hi-tech.mail.ru/news/smartphone-blindness/

Нет комментариев

Также рекомендуем