Эҳтиёт шавед: аз 7 то 10 июл ҳарорати ҳаво гарм мешавад!

0
1 142 просмотров

Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба диққати шаҳрвандони кишвар мерасонад, ки бинобар гарм омадани ҳаво давоми санаҳои 7-10 июл аз сайру гашт дар нимаи дуюми рӯз, нӯшидани нӯшокиҳои газдор ва оббозӣ дар обанборҳо худдорӣ намоянд. Нафароне, ки аз бемории фишорбаландӣ, диққи нафас ва бемории қалб ранҷ мекашанд, бояд тибқи тавсияҳои духтурон амал намуда, бе зарурат ба кӯча набароянд.

Тавре зимни суҳбат ба мухбири АМИТ «Ховар» сухангӯи Кумитаи мазкур Умеда Юсуфӣ хабар дод, сокинонро зарур аст бо кӯдакони хурдсолашон нисфирӯзӣ ба сайру гашт набароянд. Ҳарчӣ бештар об нӯшанд ва аз нӯшидани нӯшокиҳои газдор, ширин ва спиртӣ худдорӣ намоянд. Матоъҳои аз либоси пахтагин омода шударо ба бар намуда, аз либосҳои рангашон равшан худдорӣ намоянд.

Картинки по запросу ҳарорати ҳаво гарм мешавад!

«Ҳангоми истироҳат ва оббозӣ бояд эҳтиёткор бошанд ва қоидаҳои бехатариро дар наздикии дарёҳо, ҷӯйборҳо ва ҳавзу обанборҳо риоя намоянд. Дар ин самт волидонро зарур аст, то нисбат ба фарзандони худ беаҳамиятӣ зоҳир нанамоянд, балки масъулиятпазир бошанд»,-зикр намуд У.Юсуфӣ.

Картинки по запросу ҳарорати ҳаво гарм мешавад!

Ба иттилои манбаъ, дар натиҷаи гармии зиёд эҳтимоли обшавии пиряхҳо дар назар аст. Дар натиҷаи ин ҳолат омадани сел ва ярч дар доманакӯҳҳо имкон дорад.

Картинки по запросу ҳарорати ҳаво гарм мешавад!

Ёдовар мешавем, ки чанде қабл зимни суҳбат бо сардори шуъбаи пешгӯии боду ҳавои Агентии обуҳавошиносии Тоҷикистон Фаридун Ахмедов хабар дода будем, ки шуруъ аз 7 июл дар ҷумҳурӣ ҳарорати ҳаво баланд шуда, рӯзона дар вилояти Хатлон 43, ноҳияҳои тобеи марказ 42, вилояти Суғд 42, дар шаҳри Душанбе 41, дар ғарби Вилояти Мухтори Кӯҳистони Бадахшон 35 ва дар шарқи он 25 дараҷа гарм мешавад.

Нет комментариев

Также рекомендуем

Фестивали бозиҳои варзишӣ баргузор мегардад

Бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон 12-уми май дар саросари мамлакат Фестивали бозиҳои футбол, волейбол ва баскетбол баргузор мегардад. Тавре ...