EcoCamp дар мавзӯи «Забони нави медиалоиҳаҳои экологӣ» баргузор гардид

0
627 просмотров

Санаҳои 21-22-юми ноябри соли равон дар шаҳри Душанбе дар мавзӯи «Забони нави медиалоиҳаҳои экологӣ» чорабинии касбии журналистӣ — EcoCamp баргузор гардид.

Дар EcoCamp мутахассисони ВАО ва ташкилотҳои ғайриҳукуматии экологии Ҷумҳурии Тоҷикистон иштирок намуданд.

Формати ЕcoCamp – омехтаи форуми мавзӯӣ ва коргоҳи тайёркунии лоиҳаҳои эҷодӣ буд. Ҳар як даста бо лоиҳаи худ кор кард, фаъолияти онҳоро ментор-коршиносон назорат намуданд. Фазои кушод ва эҷодӣ ба рушди касбӣ сабаб гардид.

 

Дар EcoCamp Роҳбари Медиапортали «Тироз» Хуршед Азимҷонович Ӯлмасов низ иштирок  ва фикру андешаҳои ҷолибу муфиди худро баён намуд.

Иштирок дар EcoCamp – ин имконияти нодир дар омӯхтани нақл дар бораи муаммоҳои экологӣ ба таври нав – шавқовар, содда ва амиқ, эҷод кардани таърихҳои муосири сифатнок дар бораи муаммоҳои муҳити атроф ва захираҳои табиӣ мебошад.

Мақсади EcoCamp – муҳайё кардани майдонча барои ҳамкории самаранок ва эҷодии медиамутахассисон ва намояндагони ташкилотҳои ғайриҳукуматӣ барои тайёр кардани лоиҳаҳои якҷояи мултимедиявӣ дар мавзӯи муҳими соҳаи муҳити атроф ва  захираҳои табиӣ буд.

Дархостҳо аз дастаҳое, ки аз ду нафар иборат буданд, қабул шуда буданд. Дастаҳое, ки аз намояндагони ВАО ва ташкилотҳои ғайриҳукуматӣ иборат буданд, ҳангоми интихоби дархостҳо бартарӣ доштанд.

Ҳамчунин дар рафти баррасии дархостҳои фардии фиристодашуда, менеҷерони Internews ба иштирокчиён дар якҷоякунии мавзӯҳои ба ҳам монанди лоиҳа ба як даста кӯмак намуданд.

Дар ҷамъбасти чорабинии касбии журналистӣ – EcoCamp иштирокчиён дар якҷоягӣ эстафетаи #MannequinChallenge-ро даст гирифтанд ва дар #EcoCampTJ видеои яхбаста (замерзшее видео)-ро омода намуданд. Онҳо ба чунин қарор омаданд, ки он видеоро танҳо ба мавзӯи экологӣ намебахшанд – зеро дар ин мавзӯъ шумораи зиёди экологон кор кардаанд, ки дар якҷоягӣ бо журналистон лоиҳаҳои медиавиро дар мавзӯи экологӣ омода намудаанд. Аз ин сабаб, ролики таҳиянамудаи иштирокчиён – ин як намуди театр буд, ки дар он ҳар нафар барои худ фаъолнокии яхбастаи худро эҷод намуд.

Ҳамон тавре Фирӯз Баротов, ҳамоҳангсози лоиҳаи Internews дар Тоҷикистон зикр намуд, EcoCamp-и «Забони нави медиалоиҳаҳои экологӣ» дар чаҳорчӯбаи лоиҳаи Internews «Медиа барои инъикоси самараноки масъалаҳои муҳити атроф ва захираҳои табиӣ дар Осиёи Марказӣ» бо дастгирии Комиссияи аврупоӣ амалӣ карда шуд.

Нет комментариев

Также рекомендуем