Бо мақсади вусъат бахшидан ба корҳои созандагиву бунёдкорӣ, ободонию кабудизоркунии маҳалли зист ва сазовор пешвоз гирифтани ҷашни 20-солагии Рӯзи Ваҳдати миллӣ дар қаламрави вилоят 120 рӯзи ободонию кабудизоркунӣ эълон карда мешавад.
Дар ин бора қарори Раиси вилояти Суғд аз 2 феврали соли 2017, №36 ба тасвиб расид.
Тибқи ин қарор воҳидҳои сохтории мақомоти иҷроияи ҳокимияти давлатии вилоят ва мақомоти иҷроияи ҳокимияти давлатии шаҳру ноҳияҳо вазифадор карда мешаванд, ки бо мақсади таҷлили солгарди Рӯзи Ваҳдати миллӣ, вусъат бахшидан ба корҳои созандагиву бунёдкорӣ, ободонию кабудизоркунӣ, таъмиру тармими биноҳои маъмурию истиқоматӣ, кӯчаву хиёбонҳо, гулгашту боғҳои фароғатию мавзеъҳои истироҳатӣ, инчунин тоза кардани маҳалли зист аз партовҳо, бо назардошти гузаронидани ҳашарҳои мардумӣ бо иштироки ҷомеаҳои меҳнатии корхонаҳо, ташкилотҳо, муассисаҳо, хоҷагиҳо ва шаҳрвандон чораҳои зарурӣ андешанд.
Нет комментариев