Эмомалӣ Раҳмон ба Ҷумъахон Ғиёсов рутбаи генералӣ дод

0
1 102 просмотров

Ҷумъахон Ғиёсов ки шурӯъ аз 1 январи соли равон раҳбарии Кумитаи иҷроияи сохтори минтақавии зиддитеррористии Созмони ҳамкории Шанхайро бар уҳда дорад, имрӯз аз дасти раисиҷумҳур рутбаи генералӣ гирифт.

Бар асоси қарори Шӯрои раҳбарони кишварҳои узви СҲШ раиси Кумитаи иҷроияи сохтори минтақавии мубориза бо терроризми ин созмон, ки қароргоҳаш дар Тошканд аст, намояндаи Тоҷикистон Ҷумъахон Ғиёсов таъйин гардида буд ва аз аввали соли равон дар ин мақом кор мекунад.

Ғиёсов солҳои 2017-2018 дар вазифаи муовини Раиси кумитаи иҷроияи ин сохтор кор карда, пеш аз он дар КДАМ ва Кумитаи дин, танзими анъана ва ҷашну маросими назди Ҳукумати Тоҷикистон кор кардааст.

Сохтори минтақавии зиддитеррористии СҲШ соли 2004 таъсис шуда, дар шаҳри Тошканд амал мекунад. Давоми ду соли гузашта раҳбарии ин сохторро намояндаи Русия Евгений Сисоев буд.

Ёдрас мешавем, ки шурӯъ аз 1 январи соли 2019 бар асоси қарори шӯрои раҳбарони кишварҳои узви СҲШ  ба вазифаи Дабири кулли ин созмон намояндаи Узбекистон Владимир Норов таъин шуд.

Норов дар гузашта раиси Пажӯҳишгоҳи мутолеоти стратегии назди Президенти Узбекистон ва Вазири корҳои  хориҷии ин кишвар кор кардааст. Норов дар ин мақом  намояндаи Тоҷикистон Рашид Олимовро иваз кард.

Дар ҳоли ҳозир Чин, Русия, Тоҷикистон, Қазоқистон, Қирғизистон, Узбекистон,  Ҳиндустон ва  Покистон узви комилҳуқуқи Созмони ҳамкории Шанхай мебошанд.

Манбаъ: sputnik-tj

Нет комментариев

Также рекомендуем

Чем полезны семечки?

Всеми любимые подсолнечные семечки очень часто становятся причиной различного рода дискуссий. Одни говорят, что семечки вредны, другие настаивают, что они полезны. Чем полезны семечки и ...

Сообщить об опечатке

Текст, который будет отправлен нашим редакторам: