Фаъолияти 19 истироҳатгоҳи тобистонаи беруназшаҳрӣ

0
884 просмотров

Раиси вилояти Суғд Раҷаббой Аҳмадзода «Дар бораи ташкили истироҳати тобистонаи кӯдакон ва наврасон дар соли 2018» қарор ба имзо расонд.

Бино ба иттилои хадамоти матбуоти раиси вилоят, бар асоси қарори мазкур ва бо мақсади дар сатҳи зарурӣ омода кардани иншоотҳои истироҳатию солимгардонӣ ва ташкили истироҳати кӯдакону наврасон дар мавсими тобистон ҳайати Ситоди вилоятии «Тобистон-2018» тасдиқ карда шудааст.

Гуфта мешавад, раисони шаҳру ноҳияҳо вазифадор карда шудаанд, ки барои ташкили самараноки истироҳати тобистона ва солимгардонии кӯдакону наврасон тадбирҳои зарурӣ андешида, то 25 майи соли равон корҳои сохтмонӣ, таъмир, муҷаҳҳазгардонии биноҳо, майдончаҳои варзишӣ ва ҳавзҳои шиноварӣ, кабудизоркуниро дар истироҳатгоҳҳои беруназшаҳрӣ, варзишӣ ва солимгардонӣ ба анҷом расонанд.

Сармутахассиси шуъбаи маълумоти томактабӣ ва миёнаи Раёсати маорифи вилояти Суғд Бахтиёр Сахатов дар ин робита иттилоъ дод, мавсими тобистон дар қаламрави вилоят 19 истироҳатгоҳ (лагер)-и беруназшаҳрӣ, 5 ҳазору 527 лагери рӯзонаи наздимактабӣ, 243 лагери истироҳату меҳнат, 30 лагери истироҳату машғулият ба кор барои хонандагони синфҳои 9-10 ва 37 истироҳатгоҳи варзишиву солимгардонӣ фаъолият хоҳанд кард.

Мувофиқи нақшаи пешакӣ, дар ин истироҳатгоҳҳо дар маҷмӯъ фарогирии беш аз 70 ҳазор нафар кӯдакон ба истироҳату фароғати тобистона пешбинӣ шудааст.

Манбаъ: Сомонаи АИ «Азия плюс»

Нет комментариев

Также рекомендуем

ИТОЛИЁҲО ДАР ДУШАНБЕ АКВАПАРК МЕСОЗАНД

Масъалаи ҳолати ҷараёни таҳияи ҳуҷҷатҳои лоиҳавӣ-хароҷотии Аквапарки Душанбе дар меҳвари мулоқоти Маҳмадсаид Убайдуллоев-раиси шаҳри Душанбе ва Франческо Феррари -ноиби президенти ширкати итолиёвии «Preston&Barbieri» қарор дошт. ...
%d такие блоггеры, как:

Сообщить об опечатке

Текст, который будет отправлен нашим редакторам: