Фаъолони шаҳр куштори сайёҳонро маҳкум намуданд

0
186 просмотров

Дар Маркази фарҳанги шаҳри Хуҷанд бо ҳузури роҳбарияти шаҳр, роҳбарони мақомоти ҳифзи ҳуқуқ, роҳбарони муассисаҳои таҳсилоти олӣ ва миёнаи махсус, роҳбарон ва муовинони муассисаҳои таълимӣ, ҷавонон, варзишгарон, имомхатибони масҷидҳо, раисони кумитаҳои маҳаллаҳо, раисони Шӯрои занон ва Шўрои ҷавонони кумитаи маҳаллаҳо доир ба маҳкум намудани амалҳои терорристӣ ва пешгирии фаъолияти аъзоёни ҳизбу ҳаракат ва равияҳои хусусияти экстремистидошта мулоқот баргузор гардид.

Раиси шаҳри Хуҷанд Маъруф Муҳаммадзода чорабиниро оғоз намуда, аз ҷумла афзуд, ки бунёди давлати демократӣ ва дунявӣ, ки дар он тамоми ҳуқуқу озодиҳои шаҳрвандон таъмин карда мешавад, яке аз ҳадафҳои асосии сиёсати Ҳукумати Ҷумҳурии Тоҷикистон ва Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошад.

Раиси шаҳр гуфт, ки мардуми шарафманди тоҷик аз қадим ҳамчун миллати сулҳпарасту инсондўст маълуму машҳур буданд ва имрўзҳо низ бо чунин сифатҳои олидараҷа ҷаҳониён тоҷикону тоҷикистониёнро мешиносанд. Воқеае, ки санаи 29 июл дар ноҳияи Данғараи вилояти Хатлон аз тарафи гурўҳҳои тундрав сар зад, мардуми меҳмоннавози тоҷикро андўҳгин намуд.

Сардори шуъбаи ВКД Ҷумҳурии Тоҷикистон дар шаҳри Хуҷанд Ҷалилзода Эмин Карим, прокурори шаҳри Хуҷанд Арабшо Солизода ва дигарон низ баромад намуда, доир ба вазъи имрӯзаи ҷинояткорӣ ва пешгирии он иттилоъ дода, аз ҷумла таъкид сохтанд, ки оромию суботи ҷомеаро ягон қувваю гурўҳ халалдор карда наметавонад. Ҳамаи ин моро водор месозад, ки дар ин лаҳзаҳои ҳассос бетарафӣ зоҳир накарда, аз ҳарвақта бештар дар атрофи Пешвои миллат муҳтарам Эмомалӣ Раҳмон ба хотири ояндаи дурахшони халқу миллатамон муттаҳид шавем.

Манбаъ: Дафтари матбуоти Раиси шаҳри Хуҷанд

Нет комментариев

Также рекомендуем

Власти Согда выделили около 100 тыс. сомони для поощрения победителей конкурса

Исполнительный орган государственной власти Согдийской области выделил около 100 тыс. сомони для поощрения победителей конкурса «Лучшее медучреждение”, «Лучший врач” и «Лучшая медсестра”. Как сообщает пресс-центр ...