Фаридун Ҷумаев: Доруи зидди ҷоғару диабети қанд таҳия намудааст

0
586 просмотров

Фаридун Ҷумаев тӯли чанд вақт аз бемории ҷоғар азоб кашиду ба духтурон муроҷиат кард ва паси талошҳои зиёду истеъмоли доруҳои табобати шифо наёфт.

Фаридун  мегӯяд, ки паси кӯшишҳои зиёдаш, ки даво наёфту ҳеҷ доруе таъсир накард маҷбур шуд худ даст ба кор шуда, дору бисозаду ба дарди худ даво бахшад ва ин ҳам шуд.

Ӯ доруро дар шакли сироп омода карда, нахуст дар худаш таҷриба намудааст, ки давоми як ҳафта ҷоғар хурд шудан гирифта ва паси 28-рӯз комилан аз байн рафтааст.

Ҳамзамон ӯ бо воситаи ин доруи сохтааш, ки аммааш аз ин бемори яъне ҷоғар азоб мекашид даво бахшид ва дар тӯли 28-рӯз бидуни ҷарроҳи сиҳат шуд. Доруи сохтаи Фаридун  аз чормағз пардаи байни он ва барги чормағз таҳия шудааст.

Фаридун Ҷумаев донишҷӯи 22-солаи Донишгоҳи технология ва менеҷмент дар шаҳри Кӯлоб мебошад, ки бо сохтани як дору иктифо накардааст, доруи дигаре ҳам сохтааст, ки барои дорандагони бемори  диабети қанд пешниҳод шудааст.

Вазорати тандурустӣ ва ҳифзи иҷтимоии Тоҷикистон ин ду доруро пазируфта, барои истеҳсолу фурӯши онҳо иҷозат додаст. Ӯ қасд дорад, дар оянда доруҳоро дар шакли ҳаб низ таҳия созад.

Фаридун Ҷумаев гуфт, ҳоло дар фикри  таҳияи чор доруи дигар, бо шумули сироп барои муолиҷаи захми меъдаву пӯст ҳаст.

Нет комментариев

Также рекомендуем

Спитамен:Ба пешвози Наврӯзи фаррухпай «Дастурхони наврӯзӣ» ороста шуд

Дар арафаи ҷашни байналмилалии  Наврӯз  дар ноҳияи Спитамен ҳамарӯза чандин барномаҳои мухталифи фарҳангию фароғатӣ баргузор мегарданд. Аз ҷумла,  тибқи нақшаи шуъбаи фарҳанги ноҳия ба муносибати ...