Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон дар як қатор сохторҳои давлатӣ тағйироти кадрӣ ба амал оварданд. Ҳамин тавр, бо Фармонҳои Президенти Ҷумҳурии Тоҷикистон Идиев Файзалӣ Фузайлшоевич — Директори Маркази миллии қонунгузории назди Президенти Ҷумҳурии Тоҷикистон таъин карда шуда, Раҳимзода Маҳмад Забир — бо сабаби ба нафақа баромаданаш аз вазифаи Директори Маркази миллии қонунгузории назди Президенти Ҷумҳурии Тоҷикистон озод карда шуд. Инчунин Қаҳҳорзода Файзиддин Саттор — бо сабаби ба кори дигар гузаштанаш аз вазифаи Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон ва Қурбониён Абдусалом Карим — бо сабаби ба кори дигар гузаштанаш аз вазифаи Вазири молияи Ҷумҳурии Тоҷикистон озод карда шуданд. Ҳамрализода Фаррух Маҳмуд — Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон, Қаҳҳорзода Файзиддин Саттор — Вазири молияи Ҷумҳурии Тоҷикистон таъин карда шуданд.
Фармонҳои мазкур барои тасдиқ ба Маҷлиси Олии Ҷумҳурии Тоҷикистон пешниҳод карда мешаванд. Ҳамзамон бо Қарорҳои Ҳукумати Ҷумҳурии Тоҷикистон Сайдализода Суҳроб Қурбон — аз вазифаи муовини Сардори Хадамоти гумруки назди Ҳукумати Ҷумҳурии Тоҷикистон, Каримзода Хуршед Абдураҳмон — бо сабаби ба кори дигар гузаштанаш аз вазифаи муовини якуми Сардори Хадамоти гумруки назди Ҳукумати Ҷумҳурии Тоҷикистон, Абдуфатоҳи Ғоиб — бо сабаби ба кори дигар гузаштанаш аз вазифаи Сардори Хадамоти гумруки назди Ҳукумати Ҷумҳурии Тоҷикистон, Ҷабборов Рустам Тухтасинович — бо сабаби ба нафақа баромаданаш аз вазифаи муовини Раиси Кумитаи андози назди Ҳукумати Ҷумҳурии Тоҷикистон озод карда шуданд. Бо Қарорҳои Ҳукумати Ҷумҳурии Тоҷикистон Каримзода Хуршед Абдураҳмон — Сардори Хадамоти гумруки назди Ҳукумати Ҷумҳурии Тоҷикистон, Исмоилзода Хуршед Исмоил муовини Раиси Кумитаи андози назди Ҳукумати Ҷумҳурии Тоҷикистон таъин карда шуданд.
Манбаъ: сомонаи расмии АМИТ «Ховар»
Нет комментариев