Экспертҳо оид ба бехатарӣ аз ширкати CSO Online хабар доданд, ки хакерон
ба 40 миллион аккаунтҳои хадамоти ахбории Apple, iCloud дастрасӣ пайдо кардаанд. Сипас маълумотҳои асосӣ дуздида шуда, дар натиҷа манбаҳо шикаст дода шудаанд.
Чӣ рўй дода истодааст?
Истифодабарандагони шабакаҳои иҷтимоӣ аз блокировкашавии смартфонҳои Apple тавассути функтсияи «Найти iPhone» ё «Найти iPad» шикоят намуданд. Дертар онҳо бо забони русӣ паёмаке гирифтанд, ки дар он бадхоҳон барои дубора кушодани дастгоҳашон маблағ ё суроғаи почтаи электрониро барои алоқа талаб намудаанд.
Дар оғоз ин ҳолат ниҳоят кам буд, вале воридоти ин хел паёмакҳо то рафт зиёд шуда истодаанд. Экспертҳо гумон доранд, ки хакерон ба махзани ахборотҳои асосӣ ё ба якчанд хадамотҳои бузурги интернетӣ дасрасӣ пайдо кардаанд.
Хатар ба кӣ таҳдид дорад?
Дар навбати аввал аз ин ҳол бояд истифодабарандагоне дар парешонӣ бошанд, ки паролашон аз iCloud буда, он бо пароли ягон хадамоти маъруфи Facebook, LinkedIn, Tumblr, MySpace ва ғайра мувофиқат мекунад. Агар Шумо пароли худро дар ёд надошта бошеду ҳамин гуна паролро чун аз iCloud ҳангоми азқайдгузарӣ дар дигар хадамотҳо истифода бурдед, пас пароли худро иваз намоед. Ин амал бо мақсади бехатарӣ низ манфиатнок аст. Зеро барои онҳо эҳтимоли ба вуҷуд омадани блокировкаи iPhone ва iPad нисбатан баланд мебошад.
Дар роҳандозиҳои Apple ID ба iOS пароли нав гузоштан мумкин аст. Дар замимаи «Безопастность» нуқтаи «Сменить пароль»-ро интихоб намоед.
Аз нав барқароршуда: чуноне, ки маълум шуд, манбаи CSO Online сарчашмаи алоҳидаи ахборотӣ будааст ва он ба бехатарӣ ягон алоқамандӣ надоштааст. Инчунин нашриёт хабар додааст, ки шояд онҳо ахбороти нодурустро пеш оварда бошанд ва аз ин ҳолат ҷабрдидагон ниҳоят каманд. Вале шикастани аккаунтҳои iCloud воқеан ҷой дошт.
Нет комментариев