Фавтидагон дар сӯхтори бозори Сургут сокинони Суғд будаанд

0
596 просмотров

Дар ҳодисаи сӯхторе, ки санаи 29-уми март дар кӯчаи Островскии шаҳри Сургути Русия рух дод, се нафар шаҳрвандони Тоҷикистон — зодагони ноҳияи Спитамени вилояти Суғд ба ҳалокат расиданд.

Котиби матбуотии мақомоти муҳоҷирати Тоҷикистон дар Русия Иброҳим Аҳмадов ба «Азия-Плюс» дар ин робита иттилоъ дод, ки ҷасадҳои Ҷамшед Муродови 22-сола, Шаҳзод Собирови 18-сола ва Наимҷон Самитови 21-сола имрӯз, 30-юми март ба ватан фиристода мешаванд. Фавтидагон дар яке аз сохтмонҳои шаҳр машғули кор будаанд.

Ёдрас мекунем, ки тибқи маълумоти фаврии Сарраёсати Вазорати ҳолатҳои фавқулодаи Русия дар Ҳавзаи Мухтори Ханти-Мансийск, дар кӯчаи Островскиий шаҳри Сургут шаби 29-уми март контейнерҳои боркаш, ки барои иқомату зист мувофиқ шуда буданд, оташ гирифта,  бар асари он се нафар ба ҳалокат расиданд.

Манбаъ: http://www.news.tj/tj/news/

Нет комментариев

Также рекомендуем