Файл — навъ ва намудҳои он

0
765 просмотров

Файл ин як қисми номгузошташудаи нигоҳдорандаи маълумот мебошад, ки дар он маълумоти муайяне нигоҳ дошта мешавад. Яъне вай метавонад матн, тасвир ё барнома бошад.

Файл (парванда, ҳуҷҷат) метавонад дар каталог (пӯша, папка) ҷойгир бошад. Худи таҷҳизот, масалан диски С каталоги (пӯшаи) асосӣ ном дошта бо С:\ ишора мешавад. Дар дохили ҳар як каталог (пӯша) миқдори дилхоҳи файлҳо (парвандаҳо) ва миқдори дилхоҳи каталог (пӯшаҳо) ҷой доштанашон мумкин аст.

Дар системаи омили MS-DOS ба файл аз рӯи чунин тартиб номгузорӣ мекунанд. Дарозии номи файл на камтар аз як аломат ва на зиёда аз ҳашт аломат дошта метавонад, инчунин номи иловагии файл на беш аз се аломат дошта метавонад. Номи иловагӣ аз номи асосии файл бо аломати нуқта ҷудо карда мешавад. Гузоштани номи иловагии файл ҳатмӣ нест. Чунки номи иловагиро худи барнома метавонад муайян кунад.

Дар системаи омили «Microsoft Windows» бошад, на камтар аз як аломат ва на зиёда аз 256 аломат номгузорӣ карда мешавад. Файлҳоро аз ҳамдигар аз рӯи ном фарқ кардан мумкин аст. Пӯшаҳо мисли файлҳо номгузорӣ мешаванд. Файл аз рӯи қоидаҳои зерин дар компютерҳои фардӣ сохта мешавад:

 Файл бояд номи асосӣ ва қисми номи иловагӣ дошта бошад;

 Ба ду файли як папка номи якхела гузоштан мумкин нест;

 Ба файл номҳои махсусе, ки дар компютерҳо барои номгузории таxҳизотҳо истифода шудаанд, гузоштан номумкин аст;

 Қисми иловагии номи файл асосан навъи файлро мефаҳмонад.

Барои гузоштани номи файл аломатҳои зерин истифода бурда мешавад:

Ҳарфҳои лотинӣ аз A то Z, ҳарфҳои кириллӣ аз А то Я, рақамҳо аз 0 то 9 ва инчунин аломатҳои махсус истифода бурда мешавад. Чӣ тавре, ки дар боло гуфта гузаштем, аз рӯи қоидаҳои номгузории файлҳо дар КФ чунин номҳоро гузоштан маън аст:

 LPT1 ва PRN-портҳои параллелии принтерҳо;

 LPT2(3)-портҳои дуюми ё ин ки сеюми параллели принтерҳо;

 AUX ва COM1-портҳои пайдарпай;

 COM2(3)-портҳои дуюм ё ин ки сеюми пайдарпай;

 NUL-таxҳизоти нул;

 CON-порт барои клавиатура;

 CLOC$-соат;

 USB- порт барои клавиатура, муш, принтер, сканер ва ғайра.

Асосан файлҳо ду хел мешаванд, файлҳои барномавӣ ва маълумотӣ.

Пайдарпаии фармонҳое, ки ба компютер чӣ кор карданро фармон медиҳанд, файлҳои барномавӣ номида мешаванд. Файлҳои барномавиро дар забонҳои барномасозӣ месозанд. Масалан, забони барномасозии BASIC, Visual Basic, Visual FoxPro, Паскал, Turbo Pascal, SQL Server, Borland, Delphi, C++, Visual C++ ва ғайра.

Дар файлҳои маълумотӣ бошад, маълумотҳои ададӣ ва матнӣ нигоҳ дошта мешавад ва баъзан онҳоро файлҳои барномавӣ истифода мебаранд. Масалан, дар барномаи «Microsoft Access» пойгоҳи додаҳо сохта мешавад. Дар хазинаи маълумот дар бораи донишҷӯён маълумотҳои зиёде ҷамъ овардан мумкин аст. Яъне ин гуна файлҳо, файлҳои маълумотӣ мебошанд. Инчунин пойгоҳи додаҳоро бо ёрии барномаҳо SQL Seқveқ, Visual FoxPro ва дигар барномаҳо ҳам сохтан мумкин аст.

Нет комментариев

Также рекомендуем