Фестивал-озмуни ҷумҳуриявии театрҳои касбӣ «Парасту-2017»

108

Дар Театри давлатии академии драмавии ба номи А. Лоҳутӣ Фестивал-озмуни ҷумҳуриявии театрҳои касбӣ «Парасту-2017» идома дорад.

Бино ба иттилои АМИТ «Ховар» бо такя ба маркази матбуоти Вазорати фарҳанги Ҷумҳурии Тоҷикистон, фестивал-озмун ба 20-солагии Рӯзи Ваҳдати миллӣ ва 100- солагии Ҳунарпешаи халқии СССР Тӯҳфа Фозилова бахшида шуда, он то 24 апрели соли равон идома меёбад.

«Парасту-2017»

Гуфта мешавад, фестивал-озмун бо спектакли ҳунарпешагони Театри давлатии академии драмавии ба номи А. Лоҳутӣ «Пизишки паррон», ба қалами Ж.Б.Молйер дар таҳияи Қурбони Собир оғоз гардид.

Қобили зикр аст, ки дар доираи кори ин фестивал-озмун то 24 апрел ҳамарӯза спектаклҳои беҳтарини театрҳои сарорсари ҷумҳурӣ намоиш дода мешаванд.

Зикр мегардад, ки фестивали «Парасту-2017» бо мақсади рушди драматургияи миллӣ, санъати театрии мамлакат, таҳияи асарҳои баландмазмуни ватанӣ, баланд бардоштани сатҳи маҳорати касбии коргардонҳо, ҳунармандон, рассомон, бастакорон, ҳисси ифтихори ватандӯстию ватанпарастӣ ва анъанаҳои хуби таърихию фарҳангӣ доир карда мешавад.

Манбаъ: https://www.news.tj/

НЕТ КОММЕНТАРИЕВ

ОСТАВЬТЕ ОТВЕТ

Лимит времени истёк. Пожалуйста, перезагрузите CAPTCHA.