Фестивали «Атласу адраси Хуҷанд- 2017» ҷамъбаст шуд

0
99 просмотров

Чанд рӯз қабл дар кохи «Суғдиён»-и шаҳри Хуҷанд бо мақсади эҳёву тарғиби ҳунарҳои миллӣ, аз ҷумла атласу адрасбофии дастӣ, фарҳанги моддӣ, рӯзғордории халқи тоҷик, рушди соҳаи саноати сабук, тарғиби сарулибос аз матои табиӣ ва аз ҷиҳати экологӣ безарар, рушди меҳнати хонагӣ, баланд бардоштани мақому завқи либоспӯшии миллӣ, зебоипарастӣ, таъсиси ҷойи корӣ барои занону духтарон ва ба касбомӯзию шуғли доимӣ фаро гирифтани онҳо Фестивали «Атласу адраси Хуҷанд- 2017» баргузор шуд. Дар фестивали мазкур, ки бо ҳузури муовини Раиси вилояти Суғд Назира Ғаффорӣ, роҳбарияти шаҳри Хуҷанд ва занону духтарони фаъоли шаҳр сурат гирифт, як қатор тарроҳон иштирок намуданд. Фестивал аз рӯйи номиннатсияҳои либосҳои “Миллии қадима”, “Кӯдакона”, “Расмӣ”, Идона” ва “Арӯсию домодӣ” баргузор ва ҳайати ҳакамот бо назардошти зебоӣ, дизайни либос, нотакрорӣ, ғайримуқаррарӣ, ҳалли тобиш, обуранг, истифодаи ҳунарҳои гулдӯзии дастӣ, қуроқдӯзӣ, интихоби ашёҳои ороишӣ, пардоз ва ғайра онро баҳогузорӣ намуданд.

Сипас, аз ҷониби муовини Раиси вилояти Суғд Назира Ғаффорӣ ва раиси шаҳри Хуҷанд Маъруф Муҳаммадзода ба ғолибони ҷойҳои якум, дуюм ва сеюм аз рӯйи номинатсияҳои номбурда тӯҳфаҳо супорида шуд.

 

Манбаъ: сомонаи расмии МИҲД-и вилояти Суғд

 

Нет комментариев

Также рекомендуем