Фестивали бодбаракхои хавоӣ дар Дьепп

0
320 просмотров

Шумо ягон маротиба дар ҳаво харчанги калонтаринро дидаед, ки дар ҳаво мегардад? Ё ҷонзоди чорпои баҳриро мушоҳида намудаед, ки дар зери абрҳо оҳиста парвоз мекунад? Шояд шумо дар осмон аждаҳои бузургеро дидаед, ки дар баланди сайди худро меҷӯяд? Ба ин саволҳои ба фикр фурӯбаранда эҳтимол шумо «не» гуфта ҷавоб диҳед. Ман бошам, ба Шумо мегӯям, ки ҳамаи инро дар фазо бо чашмони худ дидаам. Мепурсед, ки дар куҷо? Фестивали бодбаракҳои ҳавоӣ дар  Депп.Кусочек фестиваля

Ин фестивал дар давоми 2 сол 1 маротиба дар рӯзҳои истироҳатии ҳафтаи дуюми моҳи сентябр дар шаҳраки фаронсавии Дьепп, дар соҳили Ла-Манш гузаронида мешавад. Хусусияти олитарини ин фестивал дар он аст, ки намояндагони миллатҳои гуногун инҷо иштирок мекунанд. Дар ин фестивал намояндагони зиёда аз 40 давлати чаҳон аз тамоми гушаву канори дунё ширкат меварзанд. Онҳо намоишҳо, тарҷейҳо, мусобиқаҳо доир менамоянд ва умуман нишон медиҳанд,  ки дар мусобиқот кӣ бештар қобилият ва бартарият дорад. Дар давоми ҳар як ду сол  фестивал дар 8 гектар замини сабзазор мураттаб гардонида шуда, баргузор карда мешавад, ки ин майдон дар байни баҳр ва шахр ҷойгир мебошад.  Ин ҷойи беҳтарин ҳам барои иштирокчиёни фестивал ва ҳам барои тамошобинон аст. Фестивали Дьепп ба 300 руйдодҳои бузургтарини чаҳонӣ ворид карда шудааст ва дар ин ҷо тамоми намудҳои бодбаракҳои ҳавоӣ ва мусобиқаҳо аз рӯи ин намуди варзиш нишон дода мешаванд. Ҳар даъфа ба ин фестивал гурӯҳи акробатони бодбаракҳои фазоӣ, созандагони маъруфи бодбаракҳои ғайриоддиву олӣ, ки маҳсули меҳнаташон санъати эъҷодӣ маҳсуб меёбанд, ташриф меоваранд. Инчунин ба Фестивали бодбаракҳои ҳавоӣ дар Депп соҳибони бодбаракҳои ҳавоии анъанавӣ меоянд. Дар фестивал мутахассисони варзидаи ин намуди варзиш ва ҳам ҳаваскорону ҳаводорони бозии бодбаракҳои ҳаво иштирок мекунанд. Боз дар ин ҷо оид дар бораи ин намуди варзиш маслиҳату маълумотҳои ҷолиб дар бораи бодбаракҳои ҳавоиро гирифтан мумкин аст. Дар рафти фестивал маҷлиси доимӣ амал мекунад, ки дар он таҷриба, нозукиҳо ва тарзи моҳирона идора кардани бодбаракҳои ҳавоиро омӯхтан мумкин аст. Ҳар даъфа дар фестивал Деппе қариб 500 000 одамон ташриф меоваранд. Имрӯзҳо Фестивали бодбаракҳои хавоии шахри Депп аз ҳама фестивали калонтарин дар ҷахон ба шумор меравад. Дар соли 2010-ум фестивали мазкур 30-юмин солгарди ҷашни зодрӯзии худро таҷлил намудааст.

Зарнигори Рустам

Нет комментариев

Также рекомендуем

Рио-2016 (21/08)

ҲАМКОРИ ЛОИҲА IAMDIFFERENT: Olá amigos. Дар аввал чанд хабари нав аз Бозиҳои олимпӣ. Тавре иттилоъ дода будем, рӯзи гузашта Тоҷикистони соҳибистиқлол низ хушбахтона дар Бозиҳои ...