Баргузории Фестивали Оши палав ва шириниҳои миллӣ

0
374 просмотров

Бо мақсади ташвиқу тарғиби фарҳанги рӯзгордорӣ, эҳё ва рушди анъана ва суннатҳои мардумӣ ва бахшида ба 27-солагии Истиқлолияти давлатии Ҷумҳурии Тоҷикистон моҳи октябри соли равон дар маркази вилоят шаҳри Хуҷанд Фестивали Оши палав ва шириниҳои миллӣ гузаронида мешавад. Дар ин бора қарори Раиси вилояти Суғд аз 3 сентябри соли 2018, № 413 ба тасвиб расид.

Ҷоиз ба зикр аст, ки дар озмун ҳамаи хоҳишмандон, ошпазҳо ва соҳибкорон новобаста аз намуди кору фаъолият метавонанд иштирок варзанд.
Барои иштирокчиёни беҳтарин диплому мукофотпулиҳо тақдим мешавад. Ба иштирокчиёни беҳтарини Фестивали Оши палав ва шириниҳои миллӣ аз рӯи бахшҳои “Оши палави беҳтарин” – 5 000 сомонӣ ва 3000 сомонӣ(ҷойи дуюм), “Ошпази беҳтарин байни муйсафедон” – 1000 сомонӣ, “Ошпази беҳтарин байни занҳои калонсол” – 1000 сомонӣ, “Ошпази беҳтарин байни мардон” – 1000 сомонӣ, “Ошпази беҳтарин байни занон” – 1000 сомонӣ, “Ошпази беҳтарин байни домодҳо” – 1000 сомонӣ, “Ошпази беҳтарин байни арӯсон” – 1000 сомонӣ, “Ошхури беҳтарин” – 2 000 сомонӣ, “Дастони моҳир” – 2000 сомонӣ ва “Ширавории миллии беҳтарин” – 5000 сомонӣ ва 3000 сомонӣ (ҷойи дуюм), “Нишоллопази беҳтарин” 3000 сомонӣ, “Парвардапази беҳтарин” – 3000 сомонӣ, “Ҳалвопази беҳтарин” – 3000 сомонӣ, “Наботпази беҳтарин” – 3000 сомонӣ мукофотпулиҳо супорида мешавад.

Хадамоти матбуоти
Раиси вилояти Суғд

Нет комментариев

Также рекомендуем