Филармонияи давлатии Тоҷикистон ба номи Акашариф Ҷӯраев

0
705 просмотров

Филармонияи давлатии Тоҷикистон ба номи Акашариф Ҷӯраев – яке аз муассисаҳои консертии тобеи Вазорати фарҳанги Тоҷикистон мебошад. Муассисаи консертӣ дар пойтахти Тоҷикистон – шаҳри Душанбе ҷойгир аст.

Таърих

Филармонияи давлатии Тоҷикистон дар асоси Қарори ШКХ ҶШС Тоҷикистон моҳи декабри соли 1936 таъсис ёфтааст. Ба ҳайати эҷодии Филармонияи давлатии Тоҷикистон бисёр ҳунармандон аз Театри мусиқии тоҷик, коллективҳои касбию ҳаваскорон, инчунин ҳофизони машҳури халқии ноҳияҳои гуногуни ҷумҳурӣ ҷалб гардиданд. Беҳтарин ҳофизону навозандагон, аз ҷумла навозанда М.Мавлонов, Ҳофизи халқии РСС Шариф Ҷӯраев, С.Тӯхтаев ва дигарон дар ташаккул ва таҷаддуди анъанаҳои мусиқии классикию халқӣ ҳиссаи арзанда гузоштанд. Сарварии ҳофизони кӯҳистониро Ҳофизи халқии РСС Шариф Ҷӯраев ба ӯҳда дошт, ки ба ин даста Ҳофизи халқии РСС Пирӣ Садир, С. Бобиев, Б. Шарифов, Х. Шаболова, Г. Ҳасанова, А. Ёров ва дигарон дохил мешуданд. Дар ҳайати Филармонияи давлатии Тоҷикистон Ансамбли тарона ва рақс, оркестри миллии созҳои халқиро ташкил намуда, роҳбари бадеии он Ленский А.С. ва ансамбли рубобчизанон, дертар Ансамбли суруд ва рақси «Помир» таъсис ёфт. Солҳои минбаъда дар ин даргоҳи санъати тоҷик –Ҷӯрабек Муродов, Малика Қаландарова, Нигина Рауфова, Зафар Нозим, Шоиста Муллоҷонова, Мастона Эргашева, Тоҷиддин Муҳиддинов, Самриддин Саъдиев, Мирбобо Самиев ,Абдулло Назриев, Зӯҳро Каимова, Ҳошим Назаров, Муродбек Насриддинов, Хосият Отиқова, Афзалшо Шодиев, Ҳаётой Мӯминова ва дигарон ҳунарнамои кардаанд.

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: