Филми “Коса” ба фестивалҳои Риму Дакка роҳхат гирифт

0
557 просмотров

Филми кӯтоҳмуддати «Коса», ки тавассути Муассисаи давлатии «Суғдсинамо ба номи Комил Ёрматов» бо коргардонии Муҳиддини Музаффар ба навор гирифта шудааст, дар Қазон се роҳхатро ба фестивалҳои байналмиллалӣ  ба даст овард.

Тавре қаблан иттилоъ дода будем филми мазкур ба фестивали байналмилалии  Лондони Британияи Кабир даъват шудааст. Илова бар ин филми “Коса” ба ду фестивали байналмилалӣ, ки дар Рими Италия  ва Даккаи Бангладеш доир мешаванд, даъват шуд.

Ёдрас мешавем, ки оғози моҳи сентябр дар шаҳри Қазони Федератсияи Россия дувоздаҳумини Фестивали байналмилалии филмҳои мусулмонӣ  баргузор гардид.

Муассисаи давлатии «Суғдсинамо ба номи Комил Ёрматов» бо ташаббуси бевоситаи Раиси вилоят Абдураҳмон Қодирӣ таъсис ёфта, давоми як сол се филм- филми ҳуҷҷатии «Духтари Сайҳун», филми кӯтоҳмуддати «Коса» ва филми бадеии «Дувоздаҳ соли интизорӣ»-ро ба навор гирифт, ки мақбули тамошобини тоҷик гашт.

«Суғдсинамо» моҳҳои сентябр- ноябри соли 2016 филми нави худро сабт менамояд. Филми нав «Тангно» ном дошта, он аз рӯи асари Нависандаи халқии Тоҷикистон Сорбон ба навор гирифта мешавад.

Манбаъ:

Хадамоти матбуоти
Раиси вилояти Суғд

Нет комментариев

Также рекомендуем

Садамаи ҳавопаймо дар Алҷазоир

Дар пайи суқути ҳавопаймои артиши Алҷазоир рӯзи 11 апрел дастикам 257 нафар ба ҳалокат расид. Бино ба иттилои Радиои Озодӣ, дар дохили ҳавопаймое, ки дар наздикии фурудгоҳи ...