Филми тасвирӣ кай пайдо шудааст?

1
1 138 просмотров

Таърихи филми тасвирии ҷаҳонӣ аз нимаи дуюми асри 19-ум сар мешавад. Маҳз дар ин давра аввалин филмҳои тасвирӣ пайдо шудаанд. Аммо нахустин дастгоҳи филми тасвириро бо номи праксиноскоп ҳанӯз дар соли 1877-ум мухандиси фаронсавӣ Эмил Рейно ихтироъ карда буд. Бинобар ин ватани филми тасвирӣ шаҳри Париж маҳсуб меёбад. Зеро маҳз дар шаҳри Аннесии Париж, дар ҳар ду сол як маротиба фестивали филми тасвирии беҳтарин гузаронида мешуд. Моҳи октябри соли 1892-юм намоиши нахустин филми тасвирӣ доир гардидааст. Дар соли 1897-ум дар  Мелбурн – Купер муҳандис Эмил Рейно аввалин рекломи хокаи махсусро дар намуди филми тасвирӣ ба навор гирифта буд, ки он барои тайёр кардани кремҳо пешбинӣ мешуд. Ин рекломи хокаи кремро низ ба яке аз аввалин филмҳои тасвирӣ мансуб медонанд.

Имрӯзҳо санаи расмии пайдоиши филми тасвирӣ  20-уми июли соли 1877-ум ҳисобида мешавад, ки ки ин соли ихтироъёбии праксиноскоп аст. Бо ёрии праксиноскоп филмҳои тасвирии аз 5 то 15 дақиқагӣ намоиш дода мешуданд.

Бояд гуфт, ки дар соли 1977-ум  дар Аннеси 100 солагии пайдоиши филми тасвирӣ ботантана, дар шакли васеъ ҷашн гирифта шудааст.

Кашфиёти муҳандис Эмил Рейноро коргардони амрикоӣ Уиндзор Мак-Кей боз ҳам мукаммал гардонидаст. Дар солҳои  20 – 30-ум дар филми тасвирии амрикоӣ тағйиротҳои бузурге ба вуҷуд омаданд. Маҳз офарида шудани қаҳрамонҳои доимии фимҳои тасвирӣ, аз қабили динозавр Гертии  Мак-Кей, инчунин гурба Феликс ва мушбачаи диснейӣ Микки-Маус як такони бузурге дар зуд рушд ёфтани санъати филми тасвирии Арико гардид. Асосгузори филмҳои тасвирии Амрико ин Уолт Дисней мебошад. Дар аввали асри 20-ум филми тасвирӣ бо иштироки лӯхтак гардид, ки муаллифи он балетмейстери  театри Мариинск Александр Ширяев буд. Дар давоми 3 моҳ 12 намуди зочаҳои бозикунандаро дар филмҳои тасвирӣ ба навор гирифтаанд. Александр Ширяев якчанд филмҳои тасвириро бо иштироки лӯхтакҳо сабт намудааст, ки инҳо мебошад: «Художники Пьеро», «Играющие в мяч клоуны», «Шутки Арлекина» ва ғайраҳо.

1 comment

  1. Махбубахон 5 Июнь, 2015 at 16:26 Ответить

    Дигаронро ку намедонаму аммо ман нисбат ба тамошо кардани филм тамошои филми тасвириро дуст медорам. Масусан мултфилми «Маша и Медведь», «Том и Черри» ва «Ну, погоди!» хело маъкул аст!

Опубликовать новый комментарий

Также рекомендуем