Финалистони Ҷоми Тоҷикистон-2021 маълум шуданд

0
596 просмотров

Дар финали Ҷоми Тоҷикистон оид ба футбол-2021, ки 9-уми декабр дар Варзишгоҳи “20-солагии Истиқлоли Тоҷикистон”-и шаҳри Хуҷанд баргузор мешавад, чемпиони Тоҷикистон “Истиқлол”-и Душанбе бо барандаи медалҳои нуқраи Чемпионати кишвар “Хуҷанд”-и Хуҷанд вомехуранд. Дар бозии ҷавобии даври нимфинали Ҷоми Тоҷикистон-2021 “Истиқлол” бар “Эсхата” бо ҳисоби 3:0 (натиҷаи ду бозӣ – 7:3) ғалаба кард. Голҳоро Манучеҳр Ҷалилов, Рустам Соиров ва Рёта Нома заданд.

Дар бозии дигари нимфинал “Равшан”-и Кӯлоб дар майдони худ бар тими “Хуҷанд” бо ҳисоби 2:0 пирӯз шуд, вале иштирокаш дар Ҷоми Тоҷикистонро ба анҷом расонд. Тими “Хуҷанд” бо шарофати пирӯзии калон (4:0) дар бозии аввал ба финал баромад. Қаблан дар финали Ҷоми Тоҷикистон дастаҳои “Истиқлол” ва “Хуҷанд” ду маротиба бозӣ кардаанд. Соли 2010 тими Душанбе бо ҳисоби 5:0 ва соли 2017 тими Хуҷанд бо ҳисоби 2:0 пирӯз гардидаанд. “Истиқлол” дар таърихи мавҷудияташ 8 маротиба — 2009, 2010, 2013, 2014, 2015, 2016, 2018 ва 2019, «Хуҷанд» чор маротиба – 1997/1998, 2002, 2008 ва 2017 дар Ҷоми Тоҷикистон ғолиб гаштаанд.

Манбаъ: АМИТ «Ховар»

Нет комментариев

Также рекомендуем

Официальный курс валюты на 04.01.2018

Национальный банк Таджикистана (НБТ)  04 января   с целью бухгалтерского учета и оплаты таможенной пошлины определил  официальный курс иностранной валюты   следующим образом: 1 доллар США = ...

Сообщить об опечатке

Текст, который будет отправлен нашим редакторам: