Фиребгар барои сурат аз интернет соҳиби Galaxy Note 7 шудан хост

0
148 просмотров

Ширкати Samsung бозпасхонии фаблетҳои Galaxy Note 7-ро, ки то санаи 2-юми сентябр фурӯхта шуда буданд, ҳоло ҳам идома дода истодааст. Давоми ин вақт муайян карда шуд, ки як қисми арзу шикоят дар бораи даргирифтани дастгоҳ ба ҳақиқат мутобиқат намекардааст. Ширкати бузурги электронии Кореяи Ҷанубӣ, Samsung то ба имрӯз наздики 26 арзи бардурӯғро дар бораи гӯё  даргирифтани Galaxy Note 7 аниқ кардааст, ки 9-тои чунин шикоят аз ИМА, 3-то аз Ҷумҳурии Корея, 2-то аз Фаронса ва 1-тоӣ аз Бритонёи Кабир, Канада, Сингапур, Филиппин, Туркия, Ветнам, Хорватия, Руминия, Ироқ,  Лубнон, Аморати Муттаҳидаи Араб ва Чехия расида буд.

12 ҳолати ин гуна воҳима дуруғ буда, 7 нафар аз шикояткунандагон барои иртибот дастнорас шуданд ва боз 7 нафари дигар аризаи худро пасхонданд ё мегуфтанд, ки аз баҳри дастгоҳи навашон баромаданд. Чуноне ширкати Samsung мегӯяд, дар байни шикоятҳои бардурӯғ чунин аризаҳое низ вомехӯрданд, ки бо мақсади ройгон дастрас намудани дастгоҳи нави  Galaxy Note 7 бар ивази гӯё дастгоҳи даргирифта навишта шуда буд. Муаллифи яке аз ҳамин гуна муроҷиатнома сурати нимсӯхтаи фаблетро фиристодааст,  ки онро аслан ӯ аз интернет гирифта буд. Дар аризаи дигар, ки мехост аз ҳисоби низоъ баҳри хуқуқи истифодабаранда маблағ ба даст орад, навишта шудааст, ки гӯё смартфони ногаҳон даргирифтаро аз тирезаи автомобил ба берун партофтааст, вале барои истботи ин суханонаш ягон далел пешкаш карда натавонистааст.

Ёдовар мешавем, ки ширкати Samsung аллакай Galaxy Note 7-и хатарноки даргирандаро ба дастгоҳҳои дигар иваз карданро оғоз намуд. Нархи фурӯши модели дастгоҳҳои дуруст кардашуда ин ҳафта дигар мешаванд, вале ҳоло танҳо дар Кореяи Ҷанубӣ. Дар Аврупо аз моҳи ноябр ин фаблетҳоро харидорӣ кардан мумкин аст, аммо санаи аниқи фурӯши он  ҳоло муайян карда нашудааст.

Сарчашма:phonearena.com

Нет комментариев

Также рекомендуем

Кристина Пронженко рекорди нав гузошт

 Варзишгари номдори тоҷик рекорди наверо дар варзишҳои даву майдонии кишвар ба номи худ навишт. Яке аз беҳтарин варзишгари Тоҷикистон Кристина Пронженко дар мусобиқаи дави 400 ...