Фурӯши маҳсулоти деҳқонони вилоят дар шаҳри Хуҷанд.

0
171 просмотров

Бо мақсади таъмину захира намудани сокинони маркази вилоят бо маҳсулоти кишоварзии хушсифат дар фасли зимистон ва пешгирии болоравии нархи маводи ғизои аввалиндараҷа тибқи дастури Раиси вилояти Суғд Абдураҳмон Қодирӣ Мақомоти иҷроияи ҳокимияти давлатии шаҳри Хуҷанд фурӯши ин намуди маҳсулотро ташкил намуд.

Фурӯшгоҳи муваққатӣ дар мавзеи «Ситораҳои Хуҷанд» майдони дар буриши хиёбонҳои ба номи Р. Ҳоҷиев ва И Сомонӣ мавҷуд буда, муқаррар гардида, ба шаҳрвандон бештар 20 намуди маҳсулот пешниҳод гардид.

Дар мавзеҳои номбурда деҳқонони шаҳру ноҳияҳои Гулистон, Конибодом, Истаравшан, Панҷакент, Б. Ғафуров, Деваштич, Ҷ. Расулов, Ашт, Спитамен, Кӯҳистони Мастчоҳ ва Шаҳристон  маҳсулоти худро бо нархҳои аз 15- то 30 % арзон нисбати бозорҳои маъмулии шаҳр ба фурӯш гузошта, манзури харидорон намуданд.

Бештари харидорон аз имконияти мувофиқ истифода бурда, маҳсулоти ползӣ аз қабили сабзию картошка, шалғаму пиёз, гӯшту биринҷ ва дигар маводи ғизоиро харидорӣ менамуданд.

Назар ба маълумоти шӯъбаи иқтисод ва савдои Мақомоти иҷроияи ҳокимияти давлатии шаҳри Хуҷанд дар ин фурӯшгоҳ нархи як килограми гӯшт бо нархи 28 сомонӣ, биринҷ 5 сомонӣ, донаи тухм 65 дирам, сабзӣ аз 50 то 80 дирам, пиёз аз 50 то 90 дирам муқаррар гардида дар маҷмӯъ маҳсулоти корхонаҳои истеҳсолӣ ва деҳқонони шаҳру ноҳияҳои вилояти Суғд дар мавзеи «Ситораҳои Хуҷанд» бештар аз 123 тонна, дар майдони буриши хиёбонҳои ба номи Р. Ҳоҷиев ва И. Сомонӣ бошад бештар аз 103 тоннаро ташкил дод.

Манбаъ: khovar.tj

Нет комментариев

Также рекомендуем

Бинокль

История создания бинокля насчитывает уже несколько столетий. Название прибора «бинокль» с латинского языка означает «два глаза» (bi oculus). В XVII столетии появились первые оптические приборы ...