ФУТБОЛ: бозиҳои даври чордаҳум анҷом ёфтанд

0
42 просмотров

Бозиҳои даври чордаҳуми Чемпионати Тоҷикистон оид ба футбол байни дастаҳои Лигаи олӣ баргузор гардиданд, ки дар се бозӣ мизбонон ва дар як бозӣ меҳмонон ғолиб омаданд.  

Тавре аз Федератсияи футболи Тоҷикистон ба хабарнигори АМИТ «Ховар» иттилоъ доданд, дар ин дидорҳо дастаҳои футболи  «Истиқлол»-и Душанбе ва «Хуҷанд»-и шаҳри Хуҷанд – пирӯзӣ ба даст оварданд.

Дастаи футболи  «Истиқлол» дастаи «Хатлон»-и Бохтарро бо ҳисоби 1:0 мағлуб кард. Тӯбро Фатҳулло Фатҳуллоев дар дақиқаи 53-юм ба ҳадаф расонид. Дастаи футболи «Хуҷанд» бошад, дар майдони худ бар дастаи  ССКА «Помир» бо ҳисоби 4:0 пирӯз шуд. Голҳоро Манучеҳр Аҳмадов, Ҷаҳонгир Эргашев,   Идибек Ҳабибуллоев  ва Фарҳод Тоҳиров   ба нишон расониданд.

Дастаи футболи  «Кӯктош»-и ноҳияи Рӯдакӣ дар майдони худ   дастаи  «Панҷшер»-и ноҳияи Ҷалолиддини Балхиро бо ҳисоби 3:2 шикаст дод. Ду голи дастаи  футболи «Кӯктош»-ро Абдурасул Раҳмонов   ва як голи дигарро легионери узбекистонӣ Муҳиддин Одилов   ба нишон расонданд. Голҳои меҳмононро Маҳмуд Ғаюров   ва Нуъмон Зокиров   ба ҳадаф  расониданд.

Дастаи футболи «Регар-ТадАЗ»-и Турсунзода низ дар майдони худ бар дастаи «Барқчӣ»-и Ҳисор бо ҳисоби 2:1 ғалаба карда, се имтиёзро ба даст овард.

Ба ин тартиб, баъди натиҷагирии бозиҳои даври чордаҳум дар ҷадвали мусобиқот дастаи футболи «Истиқлол»-қаҳрамони Тоҷикистон бо 35 имтиёз мақоми аввалро касб намудааст. Дастаи футболи «Хуҷанд», ки ду имтиёз камтар гирифтааст, дар ҷойи дуюм мебошад. Дастаи  «Кӯктош» бо ба даст овардани 21 имтиёз дар ҷойи сеюм қарор дорад.

Хотиррасон мекунем, ки бозиҳои даври понздаҳуми мусобиқоти лигаи олии футболи Тоҷикистон рӯзҳои 25-26 август доир гардида, дастаҳои футболи  «Кӯктош» бо ССКА «Помир», «Хатлон» бо «Истиқлол», «Панҷшер» бо «Хуҷанд» ва «Барқчӣ» бо  «Регар-ТадАЗ»  байни ҳам рақобат мекунанд.

Манбаъ: АМИТ «Ховар»

Нет комментариев

Также рекомендуем

В Таджикистане собрана половина запланированного урожая хлопка

Более 174,8 тыс. тонн хлопка-сырца собрано в Таджикистане с начала хлопкоуборочной кампании. Об этом сообщает министерство сельского хозяйства Таджикистана. По данным источника, собранный урожай составляет ...