Футболбози тоҷик Нозим Бобоҷонов ба клуби Баҳрайн гузашт

0
520 просмотров

Нимҳимоятгари дастаи мунтахаби Тоҷикистон ва «Истиқлол»-и Душанбе Нозим Бобоҷонов шартномаи худро бо клуби «Баҳрайн» ба имзо расонд ва давоми ним сол дар ҳайати он ҳунарнамоӣ мекунад. Дар ин бора сомонаи КФ «Истиқлол» хабар дод.

Нозим Бобоҷонови 21-сола то ба дастаи «Истиқлол» гузаштан дар ҳайати дастаҳои ҷавонони «Рубин»-и Қазон, «Локомотив»-и Москва ва баъдан «Регар-ТадАЗ» ҳунарнамоӣ карда, соли гузашта ба ҳайати «Истиқлол» гузашт. Ӯ дар ҳайти ин даста соҳиби ҳама ҷоизаҳои мавсими футболи соли 2016-и Тоҷикистон гардид.

Тибқи қарордод КФ «Баҳрайн» метавонад муҳлати шартномаро боз як соли дигар дароз кунад.Nozim-Bobochonov

Дар Премйер-Лигаи Баҳрайн 10 даста ширкат менамояд ва КФ «Баҳрайн» баъди марҳалаи аввал, ки 9 вохӯрӣ гузаронидааст, бо касби 6 имтиёз дар зинаи охир ҷойгир шудааст. Марҳалаи дуюм моҳи май шурӯъ мегардад.

Нозим Бобоҷонов метавонад дар се бозии ин даста барои ҷоми Баҳрайн, ки 20, 25 ва 31 январ мегузаранд, ба майдон ояд.

Манбаъ: khovar.tj

Нет комментариев

Также рекомендуем

Интихоби дурусти дафтар

 Дафтар. Ашёи зарурии хониш мебошад. Хамчуни руи мизи коргарон низ дида мешавад. Новобаста аз он ки дар корхонаву ташкилотхо аз компютор истифода мебаранд, дафтар яке ...