Гӯшмонакҳои Google нутқро ба 45 забон тарҷима мекунанд

0
845 просмотров

Шумо аз ин гӯшмонакҳо (наушники) харидорӣ карда метавонед. Google аз байни ширкатҳои бузурги технологӣ яке аз нахустинҳо шуда моҳии Вавилониро офарид, дар ин бора Quarts Media хабар медиҳад. Гӯшмонакҳои нави бе ноқили Pixel Buds дар вақти воқеӣ  нуқти гуфтугӯиро ба 45 забони ҷаҳон тарҷима мекунад! Pixel Buds дар якҷоягӣ бо смартфонҳои Pixel кори комил дошта метавонад.

Дастгоҳ ба мадарасони виртуалии Google Assitant пайваст мешавад, ки бо пахш кардани тачпад фаъол гардонидан мумкин аст. Тачпад дар гӯшмонаки тарафи чап ҷойгир мебошад. Идоракунии кори мадарасон тавассути фармондиҳии овозӣ пеш бурда мешавад. Масалан, истифодабаранда аз он хоҳиш мекунад, ки як таронаи амиқеро барояш пахш гардонад, занг занад ё самти роҳро нишон диҳад.

Аммо функтсияи аз ҳама аҷиби Google ин имконияти тарҷима карда тавонистани нутқ дар вақти воқеӣ ба шумор меравад. Ба сифати намоиши имкониятҳои кори Pixel Buds кормандони Google гуфтушунид барпо карданд. Яке аз онҳо дар забони англисӣ сухан мекард ва дигаре ба ӯ дар забони шведӣ ҷавоб медод. Масалан, бо пахш намудани тачпад Google Assitant-ро даъват карда,  истифодабаранда дар забони шведӣ чунин гуфта метавонад: «Ёрӣ деҳ».  Дастгоҳ аввал ин хоҳиши истифодабарандаро хуб гӯш карда, баъдан вақте, ки ҳамсӯҳбат сухангӯиро дар забони шведӣ оғоз мекунад, ба таври синхронӣ нутқро (тавассути замимаи Google Translate дар смартфони Pixel) ба забони модарии истифодабаранда  тарҷима мекунад, ки он бевосита дар гӯшмонакҳо садо медиҳад.

Айни замон гӯшмонак то ба 40 забони ҷаҳон амали тарҷимаро ба анҷом расонида метавонад. Мадарасони Google Assitant инчунин самти роҳро нишон дода метавонад, дар шабакаҳои интернетӣ амали ҷустуҷӯиро анҷом дода метавонад ва зангҳоро идора карда метавонад. Ҳамаи ин амалҳоро кӯмакрасони Google Assitant бе истифода бурдани смартфон анҷом дода метавонад!

Pixel Buds дар се ранг дастрас мегардад: сафед, сиёҳ ва кабуд. Нархи он 159 долларро ташкил медиҳад ва қуваи нерӯи кӯмакрасон то ба 5 соат кифоягӣ мекунад. Инчунин онро тавассути батареяи аккумулятории портативӣ аз нерӯъ пур кардан мумкин аст. Фармоишоти пешакии гӯшмонакҳо аз санаи 6-уми октябр инҷониб сар шудааст.

Ин навгониро ба дӯстонатон, ки барояшон чунин гӯшмонакҳо лозим хоҳанд шуд, расонед!

Нет комментариев

Также рекомендуем

Шоҳмотбози беҳтарини Хуҷанд муайян гардид

Дар чойхонаи Сирдарё»-и маркази вилоят мусобиқаи шаҳрӣ байни шоҳмотбозон доир гардид. Мақсади баргузории ин чорабиниро масъулини соҳа тарғиби бозии шоҳмот байни сокинон, баланд бардоштани маҳорати ...