Ширкати Google ҷадвали молу маҳсулоти худро барои тиҷорат бо баровардани замимаи нав бо номи Meet мукаммал гардонид. Тавассути ин замима видеоконференсияҳои онлайниро дар формати HD гузаронидан имконпазир гардид, менавсад TechCrunch.
Ширкат ин замимаи нави худро чун «Hangouts барои тиҷорат» муаррифӣ кардааст. Кори замимаи мазкур бо тақвим ва Gmail мутобиқ карда шудааст. Он оиди вохрӯии дар пешистода ва иштирокчиёни он хабар медиҳад. Мавҷудияти имконияти чатҳои гурӯҳӣ дар Meet нисбат ба Hangouts васеътар шуд. Зеро акнун ба ҷараёни гуфтушунид дар як вақт то 30 нафарро даъват кардан имконпазир гардид.
Дар ҷараёни худи конференсияи онлайнӣ иштирокчиёни видеоконференсия маълумотро оиди ядигарашон дар рӯи экран дида метавонанд, аз ҷумла рақами телефон, почтаи электронӣ ва дигар ахбороти заруриро. Дар шакли пардохтӣ кори замима боз ҳам васеътар мебошад. Яъне замима муайян мекунад, ки айни замон кӣ гап зада истодааст ва ба ҳар як иштирокчӣ дар равзанаи алоҳида (в отдельном окне) имконияти муроҷиат кардан пайдо мешавад.
Нет комментариев