Google барои кишварҳои интернети сустдошта замимаи ҷустуҷӯӣ баровард

0
514 просмотров

Ширкати Google барномаи нави Search Lite-ро барои истифодабарандагони давлатҳои рӯ ба рушд ниҳодаистода аз санҷиш мегузаронад, ки суръатнокии пайвастшавӣ дар ин давлатҳо ба интернет беҳбудиро талаб мекунад. Ҳоло тафсири «осонкардашуда»-и замимаи ҷустуҷӯиро аз мағозаи Google Play  танҳо аҳолии Индонезия зеркашӣ (скачать) карда метавонанду халос.

Аз эҳтимол дур нест, ки ба наздикӣ замимаи навро одамон аз давлати Ҳиндустон ҳам зеркашӣ карда тавонанд. Чуноне, ки Android Police хабар медиҳад, имкониятҳои замимаи нави ҷустуҷӯии Search Lite бо  имкониятҳои замимаи асосии Google баробаранд: истифодабарандагон тавассути матн ё овоз дар интернет ҷустуҷӯ карда метавонанд, корҳои тарҷумониро ба забонҳои хориҷӣ амалӣ карда метавонанд, хабару навидҳо ва маълумоти боду ҳаворо мутолиа карда метавонанд.

Аммо Search Lite аниматсияи бой ва виджетҳо надорад: пас аз баромадани барнома дар пеши чашми истифодабарандагон танҳо «сатри холӣ»-и ҷустуҷӯӣ пайдо шуда, тамоми маълумот дар шакли ҷадвали ихчами иконачаҳо чун дар экрани хонагӣ пайдо мешавад.

Моҳи майи соли гузашта дар конфронси I/O директории генералии Google Сундар Пичаи оиди ба Android ҷалб намудани «миллиард нафар истифодабарандагони навбатӣ» ният доштани худро иброз намуда буд. Ӯ ин лоиҳаро аз ҳисоби истифодабарандагони давлатҳои сарватманднабуда, ки сатҳи воридшавӣ ба интернет ва смартфонҳо то ҳол хеле паст боқӣ мемонад, ба амал тадбиқ карданӣ аст.

Ҳамин тавр, дар моҳи феврал ширкат офлайн-тафсири YouTube-ро баровард, ки аз  Android-замимаи муқаррарии видеохадамот фарқияти беш надорад, ба ғайр аз функтсияи зеркашии видео ва тамошои он бидуни мавҷудияти шабака. Ширкати Google инчунин аз болои Android Go -лайт-тафсири Android, ки аз маълумоти ками асосӣ истифода мебарад, кор карда истодааст.

Нет комментариев

Также рекомендуем

Нигоҳубин ба мебелҳои мулоим

Чараён хеле дарозу тоқатфарсо буд. Ва ё тезу шавқовар. Дар ин ва ё он олат интихоб карда шудааст ва орзуи деринаи шумо ҷомаи амал пӯшид ...