Гӯгирд чӣ хел пайдо шудааст ?

0
353 просмотров

Донаи гӯгирдҳо, ки аз молиш додан аз оташ дар мегиранд, нахустин маротиба дар асри 19-ум аз тарафи ихтироъкори англис Ҷон Уолкер фикр карда баромада шудааст. Бояд гуфт, ки ин фикр ба сари ихтироъкор тасодуфан ва ғайричашмдошт омада буд.

Дар аввал Ҷон ба сифати ёрдамчии ҷарроҳ фаъолият мекард, баъдан шавқу рағбат ва қобилиятнокии худро дар соҳаи кимиё пайдо кард. Яке аз масъалаҳое, ки барои ҳал карданаш ӯ бисёр ҷидду ҷаҳд мекард, ин ба вуҷуд овардани оташ буд.

Боре ӯ бо омехтаҳои сулфиди сурма, хлориди калий ва ширеш таҷриба мегузаронад. Ҷон тасодуфан бо чӯбчае дохили девораи оташдонро ковиш медиҳад. Боқимондаҳои омехтаи кимиёвии дар чӯбча буда, аз оташ дар гирифтанд ва ҳамин тавр тамоман тасодуфан гӯгирд кашф гардиданд.

Дере нагузашта ин донаи гӯгирдҳо дар фурӯш пайдо шуданд. Як адад қуттичае, ки аз 50 дона чӯбчаи гӯгирд иборат буд, як шиллинг арзиш дошт. Ба девораи ҳар як қуттии гӯгирд қоғази махсусе часпонида шуда буд, ки  тавассути ба он молиш додан донаи гӯгирд аз оташ дар мегирифт.

Ҷон ин гӯгирди худро «Конгривҳо» номид, ки ба шарофати як ихтироъкори британиёӣ Уилям Конгрив бахшида шуда буд. Ҷон аз патентӣ кардани ин кашфиёти худ дасткашӣ кард, то ки ҳар як хоҳишманд  бо кашф кардани гӯгирд машғул шуда тавонад. Масалан, Уолкерро барои патентӣ кардани гӯгирд худи Майкл Фарадей талқин мекард.

Дар давоми ду сол  Ҷон тавонист, ки зиёда аз 250 қуттиҳои гӯгирдро бифурӯшад. Дар ин бора қайдҳои сабткардаи ӯ дар китоби фурӯши молҳояш далолат медиҳанд. Пас аз кашф кардани гӯгирд Уолкер инсони машҳур ва ё сарватманд нагардид, танҳо пас аз маргаш ӯ ва ин кашфиёташро эътироф кардаанд.

 

Нет комментариев

Также рекомендуем