Гулҳои Хуҷанд шаҳрро зеби дигар мебахшанд.

0
439 просмотров

Дар рузҳои таҷлил аз ҷашни Ваҳдати миллӣ дар шаҳри Хуҷанди вилояти Суғд ифтитоҳи 10 адад корхонаву коргоҳҳои нави истеҳсоли ба нақша гирифта шудааст. Бо иқдоми Мақомоти иҷроияи ҳокимияти давлатии шаҳри Хуҷанд, азнавсозии канори роҳу роҳравҳо, тадбирҳои гулкориву кабудизоркунӣ идома дошта, шурӯъ аз даромадгоҳи шаҳр то хиёбонҳои марказиву кӯчаҳои канорӣ шинонидани гулу буттаҳои ороишӣ ба роҳ монда шудааст. Дар шаҳри Хуҷанд 12 боғу гулгаштҳои асосӣ, 8 қитъаи кабудизоркунӣ мавҷуданд, ва ҳамасола то 1 млн дона гулу буттаҳои ороишӣ барои зебо намудани шаҳр дар се мавсими фасли сол шинонида мешаванд. Имсол ин талабот бо парвариши 800 ҳазор дона 12 навъи гулҳои ороишӣ аз ҳисоби 2 гармхонахои Сарраёсати ободонӣ ва хоҷагии манзилию комуналии шаҳри Хуҷанд таъмин карда мешавад. Кормандони муассисаи ободонӣ, гулу буттаҳои ороиширо бо истифода аз усулҳои муосири сабзкорӣ шинонидаю ороиш додаанд, ки ин мавзеъҳои шаҳри Хуҷандро зеби дигар бахшидаанд. Лозим ба ёдоварист, ки то имрӯз зиёда аз 128 ҳазор бех гулу буттаҳои ороишӣ дар шаҳри Хуҷанд шинонида шуда, он марҳилаи аввалро дар бар мегирад. Дар марҳилаи дуюм гулпарварони Хуҷанд ният дорад  корро   дар ин самт боз ҳам вусъат диҳанд.

      Манбаъ: www.khujand.tj

Нет комментариев

Также рекомендуем