Гулистон ҳазорҳо нафар сайёҳонро ҷалб намудааст

0
601 просмотров

Давоми соли 2017 дар муассисаҳои истироҳатии шаҳри Гулистон, ки яке аз минтақаҳои сайёҳии мамлакат маҳсуб меёбад, 3823 нафар меҳмонони хориҷӣ ва 26900 нафар сокинони минтақаҳои гуногуни кишвар истироҳату табобат гирифтаанд. Тавре аз Мақомоти иҷроияи ҳокимияти давлатии шаҳри Гулистон иттилоъ доданд, дар шаҳр дар як вақт имкони қабули 1100 нафар истироҳаткунандагону табобатгирандагон мавҷуд буда, осоишгоҳҳои «Баҳористон», «Шифо», «Соҳил» ва урдугоҳи «Шоҳин» ва маркази хизматрасонии “Усмонҷон” фаъолият доранд. Хотирнишон бояд кард, ки соли 2018 аз ҷониби Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон «Соли рушди сайёҳӣ ва ҳунарҳои мардумӣ» эълон шудааст. Алҳол, дар минтақаи истироҳатии шаҳри Гулистон сохтмони як қатор бино ва иншооти истироҳатӣ идома дорад, ки барои ҷалби сайёҳон мусоидат хоҳад кард.

 

Манбаъ: сомонаи расмии МИҲД-и вилояти Суғд

 

 

Нет комментариев

Также рекомендуем