Гулшан дар соли Оила чоргоник таваллуд кард

0
1 476 просмотров

Гулшан Маҷнунова  сокини ноҳияи Ёвон, ки панҷ сол боз интизори фарзанди дувумаш буд, якбора чоргоник — 1 писару 3 духтар — ба дунё овардааст. Ин чоргоник рӯзи 4 феврал дар зоишгоҳи рақами 3-и шаҳри Душанбе  таваллуд шуда, вазъашон хуб арзёбӣ мешавад.Ҳоҷӣ Аҳлиддин Маҷнунов — бобои ин чаҳоргоник гуфтааст, ки ҳоло вазъи духтару набераҳояш хуб арзёбӣ мешавад ва онҳо то ду ҳафтаи дигар зери назорати қатъии табибон хоҳанд буд. Вай гуфт, азбаски даврони ҳомилагии духтараш бисёр вазнин мегузашт, онҳо маҷбур шудаанд, ҳанӯз ду моҳ пеш Гулшанро ба бемористон биёранд. Ӯ мегӯяд, аҳли хонавода аз таваллуди чоргоник хеле хушҳоланд ва аз ҳоло барои онҳо ном ҳам интихоб мекунанд. Вай гуфт, эҳтимол исми ин чоргоникро Тоҳиру Зӯҳро ва Хадичаву Кибриё бигузоранд. Вале афзуд ӯ, ин номҳои эҳтимолист ва шояд бо маслиҳати, ба гуфтаи ӯ, бузургон тағйир ёбад.Гулшан Маҷнунова 26 сол дошта, на ӯву на ҳамсараш дар ҷое кор намекардаанд. Вай баъди издивоҷ як писар ба дунё оварда, панҷ соли охир интизори фарзанди дувум будааст.Таваллуди чаҳоргоник дар Тоҷикистон хеле кам аст. Дар гузашта  чанд мавриди таваллуди сегоникҳо дар Тоҷикистон сабт шуда буд.Гулшан Маҷнунова дар рӯзе чоргоник таваллуд кард, ки президенти Тоҷикистон Эмомалӣ Раҳмон соли 2015-ро Соли оила эълон кард. Ба ин далел, бисёриҳо баробари шунидани хабари таваллуди ин чоргоник аз Эмомалӣ Раҳмон умед кардаанд, ки аз номи ҳукуматаш ба ин модари хушбахт ва фарзандони ӯ манзил тӯҳфа кунад. Дар ин бора pressa.tj хабар медихад.

Нет комментариев

Также рекомендуем

Сколько галстуков вам нужно

Во-первых, однотонный — того цвета, который более всего подходит ко всем вашим костюмам. Учтите, что галстук красного цвета не только прекрасно освежает, но и считается ...