Гурба чун ҳайвони дарранда

0
459 просмотров

Гурба (Felis ocreata domestica) , — ҳайвонест дарранда. Сари лӯнда, гардану пойҳои боқувват, чанголи тез ва думи дароз дорад; якранг сафед, сиёҳ, малла ё гуногунранг, ало, рах-рах ва ғайра. мешавад. Мӯи баъзе гурбаҳо дарози паҳмоқ ва баъзеашон кӯтоҳу маҳин аст.

Гурба ҳайвони чолок буда, ба девору дарахт ба осонӣ мебарояд. Ҳангоми роҳ рафтан нармаки панҷаашро ба замин мемонад ва садо намебарорад. Чанголи гурбаро пайҳои чандир дарун кашида меистанд ва танҳо мавриди ба дару девор часпида баромадан ё доштани тӯъма берун мешавад. Аъзои сомеааш нағз инкишоф ёфтааст. Аъзои шоммааш суст буда, чашмонаш эҳтимол фақат наздикиро мебинад.

Гурба зуд калон мешавад. Дар 7—8-моҳагӣ болиғ мегардад. Гурба мушу каломуш ва дигар зараррасонҳои хоҷагии қишлоқро нобуд мекунад. Дар шароити хона ба гурба асосан гӯшт ва шир медиҳанд. Дар аснои нағз нигоҳубин накардан гурба ба полиз ё дашту саҳро гурехта, ёбоӣ мешавад, мушу паррандаҳоро дошта мехӯрад, лонаи паррандаҳоро вайрон ва чӯҷаи онҳоро нобуд мекунад. Ин гуна гурбаҳоро нест бояд кард, зеро онҳо паҳнкунандаи касалиҳои сироятӣ (калиё чараб, шукуфаи муйчин) ва паразитии (трихинеллёз, описторхоз, дифиллоботриоз ва ғайраро) одам ва ҳайвонот мебошанд.

Нет комментариев

Также рекомендуем