Гурбаи қамишзор

0
132 просмотров

 

Гурбаи қамишзор намуде, ки дар зери таҳдиди маҳвшавӣ қарор дорад. То охири солҳои 40-уми асри гузашта дар туғайзори соҳили дарёҳои Вахш, Қизилсу, Ёхсу, Панҷ, Кофарниҳон, Сир ва Зарафшон паҳн гардида буд. Дар натиҷаи аз худ намудани масоҳати зиёди туғайзорҳо, дар аксар маҳалҳои сукунат нобуд гардидааст. Айни замон дар туғайзорҳои поёноби дарёи Вахш (мамнуъгоҳи «Бешаи палангон»), соҳили рости дарёи Панҷ, поёноби дарёи Қизилсу ва аҳён-аҳён дар туғайзорҳои масоҳаташон маҳдуди дарёҳои Зарафшон ва Сир вомехўрад. Мавзеъҳои хоси сукунати гурбаи қамишзор туғайзорҳои наздисоҳилӣ, ҷангалзорҳои омехтаи патта, пасткўҳҳои дорои растаниҳои даштӣ, настаранзорҳо, дўлонаю бодомзорҳо

мебошанд. Оид ба саршумори ҳозираи гурбаи қамишзор маълумоти аниқ вуҷуд надорад. Солҳои 70-уми асри гузашта дар мамнуъгоҳи «Бешаи палангон» 1-3 фард ва дар туғайзорҳои соҳили рости дарёи Панҷ (масоҳати 1500 га) 5-7 фарди гурбаи қамишзор ба қайд

гирифта шуда буд. Мавриди таҳқиқоти пурра қарор нагирифтааст. Дар моҳҳои январ- феврал ҷуфт мешавад. Давраи ҳомиладорӣ қариб 60 рўзро дар бар гирифта, ширмаконии насл аз моҳи апрел то моҳи июл идома меёбад. 3-4 насл медиҳад. Парвариш дар шароити сунъӣ ва

боғҳои ҳайвонот имконпазир аст. Аз худ намудани туғайзорҳо, таъқиб ва нобуд сохтани фардҳои алоҳида бо мақсади кам кардани зараррасонӣ ба мурғпарварӣ, тасодуфан афтодан ба дом омилҳои асосии маҳдуд гардидани саршумори гурбаи қамишзор мебошанд.

Ҷамоаи гурбаи қамишзорро дар мамнуъгоҳи «Бешаи палангон», туғайзорҳои поёноби дарёи Қизилсу, соҳили рости дарёи Панҷ ва дигар маҳалҳои сукунати он зери муҳофизати ҷиддӣ қарор додан зарур аст. Корҳои тарғиботиро оид ба ҳифзи он пурзўр намудан лозим аст.

 

 Шодмон Ашӯров

Нет комментариев

Также рекомендуем

Довталаб! Ҳанӯз зиёда аз 16 000 ҷойи холӣ ҳаст

Мусоҳиба бо Хуршед Икромӣ, директори Маркази милии тестии назди Президенти Ҷумҳурии Тоҷикистон. —   Мегӯянд, ки супоридани имтиҳонҳо тавассути Маркази миллии тестӣ сол ба сол душвортар ...