Густариши ҳамкориҳои БАТР бо низоми бонкии Тоҷикистон

0
340 просмотров

Бонки аврупоии таҷдиду рушд (БАТР) соли ҷорӣ дар соҳаҳои низоми бонкӣ ва молиявии Тоҷикистон 7 лоиҳаро татбиқ мекунад.

Бино ба маълумоти дафтари матбуоти Бонки миллии Тоҷикистон (БМТ), ин нукта зимни вохӯрии муовини аввали раиси БМТ Ҷамолиддин Нуралиев бо Директори минтақавии БАТР дар Осиёи Марказӣ Нил Маккейн садо дод.

Дар ҷараёни мулоқот қайд шуд, ки ояндаи наздик барои ҳамкорӣ бо Бонки миллии Тоҷикистон самтҳои афзалиятнок аз ҷониби БАТР муайян шудаанд, аз ҷумла дар самти дурнамои нишондиҳандаҳои макроиқтисодӣ ва сиёсати коммуникатсионӣ, ки ба ҳадафгирии таваррум бевосита рабт дорад ва таъмини гарав ба молу мулки манқул дар асоси тағйиру иловаҳо ба қонунгузорӣ мебошанд.

Нил Маккейн инчунин дар мавриди саривақт амалӣ намудани пардохтҳо аз рӯи лоиҳаҳои мавҷуда сухан карда, баҳри тавсеа ёфтани ҳамкориҳо дар самтҳои нав изҳори омодагӣ кард.

Дар навбати худ Нуралиев таваҷҷуҳи намояндагони БАТР-ро ба ҳамкорӣ дар бахши низоми бонкии кишвар, бахусус дар самти таҳким бахшидани назорати ташкилотҳои қарзӣ, баланд бардоштани масъулияти Шӯрои нозирон, бартариятҳои низоми ягонаи пардохт, баҳодиҳии сифати дороиҳои низоми бонкии мамлакат даъват намуд.

Қобили зикр аст, ки БАТР бо ташкилотҳои қарзии Тоҷикистон ҳамкориҳои зич дошта, ба 10,7% — саҳмияҳои «Бонки Эсхата», 12% — «Агроинвестбонк», 13,7% — «Аксесбонк Тоҷикистон» ва 12,5% — саҳмияҳои «Имон Интернешнл» молик аст.

Манбаъ: Сомонаи АИ «Азия Плюс»

Нет комментариев

Также рекомендуем

Пас аз навшавӣ WhatsApp боз ҳам рангоранг шуд

Функтсияи наве, ки мессенджери WhatsApp соҳиб гашт, ба шакли навкардашудаи сархати асоси рангоранги  Facebook хеле монанд мебошад. Инчунин дар сархати асосӣ қиссаҳоро низ ҷой додан ...
%d такие блоггеры, как:

Сообщить об опечатке

Текст, который будет отправлен нашим редакторам: