ҲАФТА

0
190 просмотров

XXX

Дар доираи иҷрои қарорҳои ҷаласаи васеи Шӯрои амнияти Ҷумҳурии Тоҷикистон, ки дар асоси эродҳои Раиси Шӯрои амният, Президенти кишвар Эмомалӣ Раҳмон ба кори мақомоти назоратии Ҷумҳурии Тоҷикистон ва камбудию норасоиҳои ҷиддии роҳдодаи онҳо, қабул шудааст, як қатор тағйироти кадрӣ анҷом дода шуд. Ҳамин тариқ, бо Фармонҳои Президенти Ҷумҳурии Тоҷикистон муовини якуми директори Агентии назорати давлатии молиявӣ ва мубориза бо коррупсия Тоҳир Ҷобирзода, муовинҳои директори Агентии назорати давлатии молиявӣ ва мубориза бо коррупсия Раҷабалӣ Ширинов ва Миллопар Бандишозода аз вазифаҳои ишғолнамуда сабукдуш гардиданд. Ҳамчунин дар асоси супориши Президенти Ҷумҳурии Тоҷикистон Эмомалӣ Раҳмон, ки зимни ҷаласаи васеи Шӯрои амнияти кишвар дода шуд, аз ҷониби прокурори генералии Ҷумҳурии Тоҷикистон Юсуф Раҳмонов прокурори Вилояти Мухтори Кӯҳистони Бадахшон Муҳаммад Арбобов ва роҳбарони прокуратураҳои вилоятҳои Суғду Хатлон Шариф Қурбонзода ва Сироҷиддин Нурзода ва ҳам прокурори шаҳри Душанбе Мирзошариф Шарифзода аз вазифа озод карда шуданд. Дар ин бора агентии Ховар хабар медиҳад.

XXX

Тибқи дастури шаҳрдори Хуҷанд минбаъд пардохти маблағи таваққуфгоҳҳо дар маркази вилоят тариқи корти пластикӣ сурат мегирад. Бо ин мақсад дар таваққуфгоҳҳое, ки дар мавзеи «Панҷшанбе» ҷойгиранд, нахустин воситаҳои техникии махсус насб карда мешаванд. Ҳадаф аз роҳандозӣ шудани ин тадбир мутамарказонидани сарчашмаи даромад аз ин ҳисоб ва таъмини шаффофияти воридоти маблағҳои аз ин ҳисоб ҷамъшаванда аст.Тибқи қарори шаҳрдорӣ маблағҳои ба суратҳисоби буҷаи маҳаллӣ воридшуда барои таъмири роҳҳои шаҳр сарф карда хоҳад шуд. Дар ин бора аз хадамоти матбуотии Раиси вилояти Суғд хабар медиҳанд.

XXX

Барои эҳёи ҳунарҳои миллии ниёгон, бо ҷои кор таъмин намудани занону духтарон, дастгирии рушди ҳунарҳои дастӣ ва меҳнати хонагӣ, дар соли 2015 грантҳои мақомоти иҷроияи ҳокимияти давлатии вилоят таъсис дода мешавад. Дар ин бора қарори Раиси вилоят аз 16 феврали соли 2015 ба тасвиб расид. Тибқи ин қарор 30 гранти мақомоти иҷроияи ҳокимияти давлатии вилоят, аз ҷумла 7 грант ҳар яке 10 ҳазор сомонӣ, 5 грант ҳар яке 8 ҳазор сомонӣ ва 18 грант ҳар яке 5 ҳазор сомонӣ барои рушди ҳунарҳои дастӣ ва меҳнати хонагӣ муайян карда мешавад. Грантҳои мақомоти иҷроияи ҳокимияти давлатии вилоят ба занҳои ҳунарманд ва соҳибкор – шахсони алоҳидаи воқеие, ки лоиҳаҳои таҳия намудаи онҳо бозгӯи масоили умда буда, ба саҳми арзандаи занон дар рушди ҳунарҳои дастӣ ва меҳнати хонагӣ, фаъолияти соҳибкории онҳо дар ин самт ва сатҳи баланди эҷодӣ мусоидат мекунанд, ҷудо карда мешавад. Дар ин бора аз хадамоти матбуотии Раиси вилояти Суғд хабар медиҳанд.

XXX

Дастаи “Хайр”-и Ваҳдат, барандаи медалҳои нуқраи қаҳрамонии Тоҷикистон, дар бозии плей-оффи Ҷоми Конфедератсияи футболи Осиё-2015, ки шоми сешанбеи 17-уми феврал дар пойтахти Лубнон – Бейрут — ба анҷом расид, аз тими «Салом Ҷҳарта» бо ҳисоби 0-3 шикаст хӯрд. Ба ин тартиб, дастаи “Хайр” аз ҳаққи ширкат дар сабқати гурӯҳии Ҷоми Конфедератсияи Футболи Осиё-2015 маҳрум шуд. “Салом Ҷҳарта”, ки ба даври баъдӣ роҳ ёфт, дар гурӯҳи «А» муқобили тимҳои «Ал-Ваҳдат»-и Урдун, «Ал-Ваҳда»-и Сурия ва «Ал-Наҳда»-и Умон бозӣ хоҳад кард. Дар ин бора радиои Озодӣ хабар медиҳад.

Нет комментариев

Также рекомендуем

Дили сунъие, ки чун аслӣ кор мекунад

Технологияи узви сунъӣ солҳои охир бошиддат рушд ёфта истодааст ва махсусан дар соҳаи робототехника. Тадқиқотчиёни шветсарӣ нишон доданд, ки ҳамон технологияҳои барои офаридани дастони роботикунонидашуда ...