ҲАФТА

0
1 355 просмотров

XXX

Президенти кишвар Эмомалӣ Раҳмон вазири корҳои хориҷии Ҷумҳурии Қирғизистон Эрлан Абдилдаевро, ки бо сафари расмӣ ба Тоҷикистон омадааст, ба ҳузур пазируфт. Дар мулоқот масоили ҳамкории гуногунҷанбаи ду кишвари ҳамсоя, аз ҷумла дар соҳаҳои сиёсат, амнияти минтақавӣ, иқтисод ва тиҷорат ва илму фарҳанг баррасӣ шуд. Ба масоили вобаста ба муаянсозӣ ва аломатгузории хатти сарҳади миёни Тоҷикистону Қирғизистон дар қитъаҳои баҳснок таваҷҷуҳи зиёд зоҳир гардид. Дар ин робита атрофи лоиҳаи созишномаи дуҷониба доир ба таҳкими чораҳои боварӣ дар сарҳади миёни ду кишвар мубодилаи судманди афкор сурат гирифт. Ҳарду ҷониб ҳавасмандии худро ба идомаи ҳамкорӣ дар ин самт ва пешгирӣ аз ҳар гуна амалҳои иғвоангез таъйид намуданд. Таъкид гардид, ки шарикии боэътимоди Тоҷикистону Қирғизистон доир ба ҳалли мушкилоти гуногуни минтақавӣ, аз ҷумла доир ба истифодаи босамар аз захираҳои обию энергетикӣ, нақлиётию транзитӣ ва иқтисодию тиҷоратӣ, ба нафъи ду мардуми дӯсту ҳамсоя бояд идома ёбад ва ҳамсоягии накуи мо қавию бардавом бошад. Дар ин бора агентии Ховар хабар медиҳад. Дар Вазорати фарҳанги Ҷумҳурии Тоҷикистон бо иштироки роҳбарони тамоми раёсат, идораю муассисаҳои тобеи он маҷлиси васеи машваратӣ баргузор гардид. Тавре ки аз Вазорати фарҳанг иттилоъ доданд,  муовини аввали вазири фарҳанг Маҳмадсаид Пирзода ҷиҳати дар сатҳи баланд баргузор намудани Рӯзи артиши миллӣ, Рӯзи Модар, таҷлили Наврӯзи байналмилалӣ, 3000-солагии Ҳисор, 700-солагии Мир Сайид Алии Ҳамадонӣ, Фестивали ҷумҳуриявии театрҳои касбии «Парасту -2015» ва Рӯзи «Шашмақом» сухан гуфта, ба мутасаддиёни ин чорабиниҳо супоришҳои мушаххас дода шуданд. Дар ин бора агентии Ховар хабар медиҳад.

XXX

Нахустин бор маҳсулоти ҳунарҳои дастии Тоҷикистон дар намоишгоҳи маъруфи байналмилалии молҳои истеъмолӣ — «Эмбайнт», дар шаҳри Франкфурти Олмон аз 13-ум то 17-уми феврал ба намоиш гузошта мешавад. Тавре ки аз Маркази тиҷорати байналмилалӣ иттилоъ доданд, иттиҳоди ҳунармандони Тоҷикистон ва ширкати “Умед” Тоҷикистонро дар муҳимтарин намоишгоҳи тиҷоратии молҳои истеъмолӣ дар ҷаҳон намояндагӣ мекунанд.  Ҳамасола дар намоишгоҳи мазкур 4 хазору 700 ширкат қариб аз 90 кишвар ва тақрибан 145 ҳазор меҳмон аз 160 кишвари ҷаҳон иштирок мекунад. Дар ҷараёни он чандин чорабиниҳои дигар гузаронида мешаванд, ки дар онҳо равандҳои тозатарини соҳаи саноат ба маъраз гузошта шуда, ҳамчунин имконияти барқарор кардани тамосҳои нав фароҳам меояд. Ширкаткунандагони намоишгоҳ аз навовариҳои корбурд дар мӯди тарроҳӣ ва равандҳои мӯдсозии бозор огоҳ мешаванд. Дар ин бора агентии Ховар хабар медиҳад.

XXX

Имсол наврузи байналхалки дар маркази вилоят шахри Хучанд кайд хохад шуд. Дар рузхои баргузории иди Навруз аз тарафи раёсати  фарханги вилояти Сугд   чорабинихои гуногун  дар назар дошта шудааст Бино ба иттилои Сардори раёсати  фарханги вилояти Сугд Ориф  Набиев дар  рузхои  аввали чашн гирифтани  навруз дар ш.Хучанд  мачмааи таьрихиву фарханги адабии боги К.Хучандии маркази вилоят ш.Хучанд ифтитох меёбад. Айни замон  барои бунёди боги мазкур  зиёда аз 9- пудратчиёни асоси , кандакорони махалли аз нохияи Б.Гафуров  ва шахри  Исфара бо кандакории пешайвон ва айвони ин бог машгул хастанд ва  қувваи беш аз 70 нафар сохтмончиён  ба се адад айвон таҳкурсӣ гузошта шуда,  сутунҳояш бардошта шудаст. Намоишнома аз  лахзахои наврузи кадима аз чониби хунармандони театр ва донишчуёни ДДХ ичро карда мешавад.  Хамчунин суруду раксхои классикиву, газалхо аз осори К,Хучанди ва дигар шоирони форс кироат карда хоханд шуд. Хотиррасон менамоем ки дар ин руз  касри фарханг дар н.Ч.Расулов  ифтитох меёбад. Хамчунин Ориф Набиев – иброз дошт, ки  рузи дигари кайд намудани чашни навруз  чорабинии   фарханги тахти унвони «Навруз аз нигохи кудакон»  дар касри  маданияти Арбоб баргузор  мегардад. Дар баробари ин Сардори фарханги вилояти Сугд гуфт, ки дар рузхои  чашни навруз барномаи варзишии мусобикави гуштини милли низ баргузор хохад шуд.Инчунин  барномаи калидии наврузи  2015  дар варзишгохи 20 солагии истиклолияти ш.Хучанд баргузор мегардад, ки ба ин чорабини зиёда аз 6 хазор нафар  донишчуён , хонандагони мактабхо ва саньаткорон   чалб карда шудаанд. Ёдовар мешавем, ки Наврузи байналмилали,  имсол дар шахри Хучанд дар сатхи баланд кайд карда мешавад. Дар ин бора хамкоронамон аз тв Азия иттилоъ медиҳанд.

XXX

Санаи 7-уми феврали соли ҷорӣ, ронандаи автомашинаи тамӯаи «ГАЗ-2705» Ҳотамов, соли таваллудаш 1978, сокини ҷамоати Куруши ноҳияи Спитамен, ҳангоми ҳаракат дар километри 8-уми роҳи нақлиётгарди «Спитамен-Куркат», ҳудуди ҷамоати Куруш, аз ўҷдаи идора намудани воситаи нақлиёт набаромада, ба автомашинаи тамғаи «Камаз»,таҳти идораи ронанда Усмонбой Мусоев сокини ноҳияи  Ғончӣ бархўрд. Дар натиҷаи ин садама чор нафар мусофирони автомашинаи тамғаи «ГАЗ-2705» Зўҳро Икромова, сокинони ҷамоати Куруши ноҳияи Спитамен, ҷароҳатҳои гуногуни ҷисмонӣ бардошта, ба беморхонаи марказии ноҳияи Спитамен бистарӣ карда шуданд.Айни замон барои муайян намудани сабабу шароитҳои ба содиршавии садамаи мазкур мусоидаткунанда аз ҷониби шўъбачаи татфишотии Шўъбаи Вазорат дар ноҳияи Спитамен, санқиши пешакӣ гузаронида шуда истодааст. Тавре ки аз маркази матбуоти шуъбаи Бозрасии давлатии автомобилии вилояти Суғд  иттилоъ доданд, дар маҷмӯъ, дар давоми 1 моҳу  10 рӯзи  соли ҷорӣ дар роҳҳои мошингарди қаламрави вилоят 38 ҳодисаи роҳу нақлиётӣ ба қайд гирифта шуд, ки бар асари он 26 кас ҳалок гардида, 47 нафар  ҷароҳати гуногуни ҷисмонӣ бардошт. Дар ин бора капитани милитсия Диловар Ализода хабар медиҳад.

XXX

Тибқи иттилои сомонаи расмии Федератсияи футболи Тоҷикистон дар Куала-Лумпури Малайзия қуръакашии марҳилаи якуми ихтисосии Ҷоми Ҷаҳон-2018 аз Осиё баргузор шуд. Дар ин марҳила дувоздаҳ тими мунтахаби камқуввати давлатҳои Осиё, ки дар раддабандии январии Федератсияи байналмилалии футбол дар зинаҳои охир қарор доранд, ширкат мекунанд. Баъди натиҷаи ду бозӣ шаш мунтахаби ғолиб ба даври дуюми марҳилаи ихтисосӣ роҳхат мегиранд. Бозиҳои марҳилаи якуми ихтисосӣ рӯзҳои 12  ва 17 феврал доир мешаванд. Гуфта мешавад, ки марҳилаи дуюми ихтисосӣ, ки дастаи мунтахаби Тоҷикистон низ дар он иштирок мекунад, моҳи июн оғоз мешавад. Дар ин марҳила 40 тими мунтахаби Осиё ба ҳашт гурӯҳи 5 дастагӣ тақсим мешаванд.  Бозиҳои ин марҳила дар ду қисм баргузор мешавад. Дастаҳо дар майдони худ ва дар майдони ҳариф бо якдигар вомехӯранд. Ҳашт дастаи ҷои аввал ва аз ҳамаи гурӯҳҳо чор дастаи нишондиҳандаҳояшон авлотар ба марҳилаи сеюм мебароянд.  Ёдовар мешавем, ки марҳилаи ниҳоии Ҷоми Ҷаҳон-2018 аз 14 июн то 15 июли соли 2018 дар Русия баргузор мешавад. Дар ин бора агентии Ховар хабар медихад.

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: