Хакерон ОС Microsoft ва Apple-ро дар пеши 100 тамошобин шикастанд

294

Дар доираи мусобиқаи ҳамасолаи хакерон Pwn2Own 2017, дар Ванкувери Канада дастаи тадқиқотчиён дар соҳаи амнияти иттилоотӣ, дар пеши назари садҳо тамошобин системаҳои оператсионии Microsoft Windows ва Apple MacOSғро шикастанд. Дар ин бора TechWorm хабар медиҳад.

Дар рӯзи аввали мусобақа дастаи тадқиқотчиёни Qihoo360 бо дарёфт намудани камбудии ядро ба ахбори махфии MacOS дастрасӣ пайдо карданд ва онро шикастанд. Барои ин кор мутахассисон аз фонди умумии ҳадявӣ, ки он аз як миллион доллариборат буд, соҳиби 10 000 доллар маблағ шуданд. Дастаи Chaitin Security Research Lab низ, ки бо ёрии мавҷудияти камбудие MacOS-ро шикаста тавонистанд, ҳамин миқдор маблағро соҳиб шуданд.

Системаи оператсионии Windows-ро мутахассисони гурӯҳи 360 Security ва  Team Sniper шикастаанд. Ҳамин  тавр ҳар яке аз онҳо 15 000 долларӣ маблағ бурд карданд.

Барои мукофоти пулиро дар ҳаҷми 55 000 доллар соҳиб шудан мутахассисони Team Sniper ва Sword Team низ браузер Microsoft Edge-ро шикастанд. Дастаи Chaitin Security бошад, нуқсонро дар Mozilla Firefox дарёфт намуданд. 35 000 доллар бошад, барои шикаста тавонистани Safari  насиби дастаи 360 Security гардидааст.

Pwn2Own — мусобиқаи ҳарсола барои хакерон мебошад, ки аз соли 2007-ум инҷониб дар доираи конфронси амнияти иттилоотии CanSecWest гузаронида мешавад.

Иштирокчиён дар давоми вақти маҳдуд бояд барномаи муайяни дастгоҳро шикаста, сипас ба истеҳсолгар камбудии дарёфт намудаи худро нишон медиҳанд ва бар ивазаш мукофоти пулиро соҳиб мешаванд.

НЕТ КОММЕНТАРИЕВ

ОСТАВЬТЕ ОТВЕТ