Хатсайри «Ёва — Ғафуров» низ фаъол шуд

0
48 просмотров

Хатсайри Ёва – Панҷшанбе — шаҳраки Ғафуров (тавассути кӯчаи ба номи Камоли Хуҷандӣ) низ фаъол карда шуд. Дар чаҳорчӯбаи татбиқи марҳилаи сеюми лоиҳаи «Рушди нақлиёти ҷамъиятии шаҳри Хуҷанд» боз ҳаракати 25 адад автобусҳои тамғаи «ЛИАЗ» дар хатсайрҳои маркази вилоят — шаҳри Хуҷанд оғоз ёфт ва ҳамин тавр теъдоди умумии автобусҳои то ин дам ворид кардашуда  ба 75 адад расид.

Ёдовар бояд шуд, ки лоиҳаи «Рушди нақлиёти ҷамъиятии шаҳри Хуҷанд» бо дастгирии Ҳукумати Ҷумҳурии Тоҷикистон ва маблағгузории Бонки аврупоии таҷдид ва рушд дар ҳаҷми 26,8 миллион доллари амрикоӣ амалӣ гардида истодааст ва қабл аз ин дар ду марҳила 50 адад автобусҳои истеҳсоли Федератсияи Россия ба вилоят оварда шуда буд.

alt

Раиси вилояти Суғд Раҷаббой Аҳмадзода зимни шиносоӣ бо автобусҳои нав ба масъулин дастур дод, ки фаъолияти муназзами нақлиёти мусофиркашониро зери назорат қарор дода, ҷиҳати баланд бардоштани сатҳи хизматрасонии нақлиёти ҷамъиятӣ аз тамоми имкониятҳо истифода намоянд.

Бар асоси маълумоти мавҷуда дар доираи амалишавии лоиҳаи «Рушди нақлиёти ҷамъиятии шаҳри Хуҷанд» то охири сол боз воридсозии 25 адад автобусҳои тамғаи «ЛИАЗ» ба нақша гирифта шудааст.

Дафтари матбуоти
Раиси ша
ҳри Хуҷанд

Нет комментариев

Также рекомендуем