Ҳисоботи эҷодии муассисаҳои таълимии мусиқӣ ва ҳунарӣ

0
231 просмотров

Дар шаҳри Хуҷанд Мактаби  бачагонаи санъати № 1 ба номи Лоиқ Шералӣ, Мактаби бачагонаи санъати № 2 ба номи Боймуҳаммад Ниёзов, Мактаби бачагонаи санъати № 3 ба номи Наримон Қаримов ва Мактаби бачагонаи рассомӣ фаъолият дорад. Дар давоми соли хониши сипаригашта дар ин муассисаҳои таълимии мусиқӣ ва ҳунарӣ 975 нафар хонандагон ба ҳунару эҷодкорӣ фаро гирифта шуда, 128 нафар омӯзгорон фаъолият доранд.

Дар Қасри фарҳангии ба номи А. Рӯдакӣ ҳисоботи эҷодии якҷояи ин таълимгоҳҳо доир гардид. Ба ин чорабинии ҳисоботӣ Раиси шаҳри Хуҷанд Раҷаббой Аҳмадзода ташриф овард. Раҷаббой Аҳмадзода аз намоиши маҳсули меҳнати аъзоёни маҳфилҳои ин муассисаҳои таълимӣ  дидан намуда, дар консерти ҳисоботии ҳунармандони ҷавон иштирок намуд.

Тавре иттилоъ дода шуд,  дар барномаи консертӣ 150 нафар навозандагону ҳофизони ҷавони боистеъдод ширкат намуда зиёда аз 20 суруду оҳангҳоро иҷро намуданд.

Ҳангоми боздид аз асарҳои офаридаи рассомон, дӯзандаҳо, кешбофон ва дигар ҳунармандону эҷодкорон Раиси шаҳри Хуҷанд аз завқи бадеӣ ва ҳунарии тарбиятгирандон изҳори қаноатмандӣ намуда, ба мутасаддиёни соҳаи фарҳанг, маориф ва ин муассисаҳо супориш дод, ки дар Маҷмааи фарҳангию таърихии «Қалъаи Хуҷанд» мағзаи махсуси фурӯши маҳсулоти ин таълимгоҳҳоро ташкил намоянд.

Ҳамчунин дастур дода шуд, ки рӯйхати беҳтарин ҷавонони ҳунармандро барои аз ҳисоби мақомоти маҳаллӣ ба истироҳатгоҳҳои  тобистона фиристодан, пешниҳод карда шавад. Дар ин бора аз хадамоти матбуотии Раиси шаҳри Хуҷанд иттилоъ медиҳанд. 

 

Нет комментариев

Также рекомендуем