Бо мақсади арҷгузории заҳмати омӯзгорон ва дастпарварони онҳо, ки ғолиби олимпиадаҳои фаннии байналмилалӣ мегарданд омӯзгорони муассисаҳои таълимии вилоят ва шогирдонашон, ки дар олимпиадаҳои байналмилилӣ сазовори ҷойҳои намоён мегарданд, бо мукофотҳои пулӣ сарфароз гардонида мешаванд.
Дар ин бора қарори Раиси вилояти Суғд аз 18 апрели соли 2016, №176 ба тасвиб расид.
Тибқи ин қарор хонандае, ки дар олимпиадаи мамолики хориҷи дур сазовори медали тилло мегардад бо 25 ҳазор сомонӣ ва омӯзгори ӯ низ бо 25 ҳазор сомонӣ қадршиносӣ мешавад. Хонандае, ки дар олимпиадаи мамолики хориҷи дур сазовори ҷои дуюм мегардад бо 15 ҳазор сомонӣ ва омӯзгори ӯ низ бо 15 ҳазор сомонӣ мукофотонида мешавад. Барандаи медали нуқра дар олимпиадаи мамолики хориҷи дур бошад бо 10 ҳазор сомонӣ ва омӯзгори ӯ низ бо 10 ҳазор сомонӣ қадршиносӣ мешавад.
Ҳамин тариқ хонандае, дар олимпиадаи кишварҳои Иттиҳоди Давлатҳои Мустақил ҷои аввалро мегирад соҳиби 10 ҳазор сомонӣ мешавад ва муаллими ӯ низ 10 ҳазор сомонӣ мукофот хоҳад гирифт. Соҳиби медали нуқра ва омӯзгори ин хонанда ҳар яке 5 ҳазор сомонӣ ва хонандае, ки медали биринҷӣ ба даст меорад ва устоди ӯ ҳар яке 3 ҳазор сомонӣ мукофотпулӣ дарёфт мекунанд.
Манбаъ: Хадамоти матбуоти Раиси вилояти Суғд
Нет комментариев