Хуҷанд: Аёдати 7 нафар иштирокчиёни ҶБВ

0
1 264 просмотров

Сардори Раёсати молияи дастгоҳи иҷроияи Президенти Тоҷикистон Ҳалимзода Абдураҳмон Достӣ, Раиси шаҳри Хуҷанд Маъруф Муҳаммадзода ва Ҳакимҷон Шарифзода, муовини сардори Сарраёсати молия дар вилояти Суғд 7 нафар  иштирокчиёни Ҷанги Бузурги Ватании 1941-1945 аз шаҳри Хуҷандро аёдат намуда, кӯмакпулии якдафъаинаи Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмонро ба маблағи 4000 сомонӣ, кӯмакпулии Раиси вилояти Суғд Раҷаббой Аҳмадзодаро ба маблағи 1500 сомонӣ ва кӯмакпулии Мақомоти иҷроияи ҳокимияти давлатии шаҳрро ба маблагӣ 1200 сомонӣ ва маводҳои ниёзи аввалияро тақдим намуданд.

Ҳалимзода Абдураҳмон Достӣ, сардори Раёсати молияи дастгоҳи иҷроияи Президенти Тоҷикистон, Маъруф Муҳаммадзода, Раиси шаҳри Хуҷанд ва Ҳакимҷон Шарифзода, муовини сардори Сарраёсати молия дар вилояти Суғд зимни сӯҳбат бо иштирокчиёни ҶБВ Болту Атаев-сокини маҳаллаи «Сайҳун», Рабига Малинина-истиқоматкунандаи маҳаллаи «Дӯстии халқҳо», Аҳрулло Саидов-бошандаи маҳаллаи «Сирдарё», Маликаброр Саидов-сокини маҳаллаи «Тути калон», Сотим Мирзоалиев-истиқоматкунандаи маҳаллаи «Дӯстии халқҳо», Григорий Крушин-бошандаи маҳаллаи  «Ҷаббор Расулов» эшонро бо 73-юмин солгарди Рӯзи Ғалаба табрику таҳният гуфта, барояшон сиҳатмандии комил, сарбаландӣ, саодати рўзгор, хонаи обод, хотири ҷамъу осуда таманно намуданд.

Иштирокчиёни ҶБВ аз ин таваҷҷуҳу ғамхорӣ ба Ҳукумати Ҷумҳурии Тоҷикистон, махсусан ба Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон арзи сипос намуда, дар ҳаққи давлату миллат ва мардуми сарбаланди кишвар дуои нек карданд.

Таъкид шуд, ки мо ҳамагон шукронаи Ваҳдату осоиштагии Ватани азизамон намуда, дар атрофии Роҳбари Давлат сарҷамъ бошем ва барои сохтмони бузурги Истиқлолият хишти созандае гузорем.

Бояд таъкид намуд, ки худи ҳамин рӯз аз ҷониби намояндагони Мақомоти иҷроияи ҳокимияти давлатии шаҳри Хуҷанд ба 32 нафар заҳматкашони дар давраи ҶБВ фаъолиятдошта кӯмакҳои якдафъаинаи Раиси вилояти Суғд Раҷаббой Аҳмадзода ва Раиси шаҳри Хуҷанд Маъруф Муҳаммадзодаро ба маблағи 2200 сомонӣ супориданд.

Манбаъ: Дафтари матбуоти Раиси шаҳри Хуҷанд

Нет комментариев

Также рекомендуем

Қурби расмии асъор барои имрӯз 2.03.2018

Бонки миллии Тоҷикистон (БМТ) имрӯз, 2-юми март  қурби расмии асъори хориҷиро  бо мақсади ҳисобгирии муҳосибӣ ва пардохтҳои гумрукӣ  чунин муайян кардааст: 1 доллари ИМА = ...