Хуҷанд ба даҳгонаи шаҳрҳои беҳтарини сайёҳӣ шомил гардид

0
114 просмотров

Оҷонсии таҳлилии «Тур Стат» дар рӯзи ҷаҳонии сайёҳӣ-21 уми феврали соли ҷорӣ 10 гонаи шаҳрҳои ҷалбкунандаи Шоҳроҳи Абрешимро муайян намуд, ки дар қатори онҳо шаҳри Хуҷанд низ ҷой гирифтааст.
Ин оҷонсӣ иттилоъ додаст, ки шаҳрҳои қадимаи Самарқанд, Бухоро, Хуҷанд, Тараз, Ганҷа, Витебск, Хева, Туркистон, Гумрӣ ва Марв мебошанд, бо фарҳанги бою қадима ва мероси гаронарзишашон сайёҳонро ба худ ҷалб менамояд.
Бояд қайд намуд, ки айни ҳол, дар шаҳри Хуҷанд барои қабули сайёҳон 13 меҳмонхонаҳо бо теъдоди 680 адад ҷойи қабули меҳмонон фаъолият намуда истодаанд. Барои сайёҳон нуқтаҳои фурўши маҳсулоти ороишӣ аз сангҳою металлҳои қимматбаҳо, тўҳфаҳои хотиравӣ, намунаҳои ҳунарҳои дастии ҳунармандон фаъолият менамояд. Ҳамчунин дар шаҳр 32 ёдгориҳои таърихӣ, 3 ёдгориҳои археологӣ, 25 ёдгориҳои шаҳрсозиву меъморӣ ва санъат мавҷуд мебошад.
Ҷиҳати рушди соҳаи сайёҳӣ дар шаҳр 6 муассисаҳои сайёҳӣ ба монанди ҷамъияти байналхалқии туризми ҷавонон “Спутник”, ҷамъиятҳои дорои масъулияти маҳдуди “Саёҳати олӣ”, “Суғдиён-Помир-Тур”, “Ҷаҳонгард”, “Алп Сомон-тур” ва Ассотсиатсияи “Зарафшон” фаъолият бурда истодаанд.
Бо мақсади ҷалби сайёҳони дохилӣ ва ҳам хориҷӣ хатсайрҳои дохилӣ, ба монанди “Шоми Душанбе”, Искандаркўл”, “Ҳафткўли мўъҷизадор” фаъолияти пурсамар доранд.
Бояд зикр намуд, ки дар соли 2018 зиёда аз 64 ҳазор нафар ба шаҳри Хуҷанд ташриф оварда, аз мавзеъҳои сайёҳию ёдгориҳои шаҳр бархурдор шуданд, ки аз онҳо 4,3 нафар сайёҳони хориҷӣ ва 59,7 нафар сайёҳони дохилӣ буда, гардиши маблағи умумии соҳаи сайёҳӣ зиёда аз 2,7 млн. сомонӣ мебошад.
Ҷиҳати тарғибу ташвиқи соҳаи туризм ва муаррифӣ намудани захираҳои сайёҳии кишвар дар тахтаҳои таблиѓотии кўчаву хиёбонҳои шаҳр шиору овезаҳо дар мавзўи рушди сайёҳӣ насб карда шуда, дар атрофи Маҷмааи таъриҳӣ — фарҳангии “Истиқлол” боғи фароғатӣ бунёд карда шуд, ки барои ҷалби бештари сайёҳони дохилию хориҷӣ мусоидат хоҳад кард.
Соли 2018 барои ҷалби сайёҳони дохилию хориҷӣ бо ташаббуси роҳбарияти мақомоти иҷроияи ҳокимияти давлатии вилоят ва шаҳр шиногоҳи соҳили дарёи “Сир” аз нав эҳё гардид.
Дар доираи эълон гардидани «Соли рушди сайёҳӣ ва ҳунарҳои мардумӣ» ҷиҳати рушди инфрасохтори соҳаи сайёҳӣ ва барои ҳарчӣ бештар ҷалби сайёҳони хориҷӣ ба шаҳри бостонӣ, дар боғи Камоли Хуҷандӣ ба бунёди роҳи танобӣ бо дарозии 1050 метр, тарабхонаҳои “Форел” дар кўчаи Сирдарё ва “Темурмалик” дар хиёбони Раҳмон Набиев санги асос гузошта шуд.
Интизор меравад, ки соли ҷорӣ дар рӯзҳои таҷлили Наврӯзи аҷам роҳи танобӣ ва тарабхонаи “Темурмалик” мавриди истифода қарор хоҳад гирифт.

Манбаъ: Дафтари матбуоти Раиси шаҳри Хуҷанд

Нет комментариев

Также рекомендуем

Сарватҳои табиӣ ва истифодаи онҳо

Навъи мушаххаси материя ё энергияро, ки дар ҷараёни меҳнату фаъолияти инсон истифода мешавад, сарвати табии меноманд. Навъҳои гуногуни канданиқои фоиданок, обу ҳок, ҳаво, наботот, ҳайвонот, ...
%d такие блоггеры, как:

Сообщить об опечатке

Текст, который будет отправлен нашим редакторам: